അന്തിക്കാട്: ആലപ്പാട് കമ്മ്യൂനിറ്റി ഹെല്‍ത്ത് സെന്ററില്‍ ഒഴിവ് ദിവസങ്ങളില്‍ ഡോക്ടര്‍മാരില്ലാത്തത് രോഗികള്‍ക്ക് ദുരിതമാകുന്നു. അഞ്ച് ഡോക്ടര്‍മാരാണ് ഇവിടെയുള്ളത്. എന്നാല്‍ ഞായര്‍ ഉള്‍പ്പെടെയുള്ള ഒഴിവു ദിവസങ്ങളില്‍ ഒരു ഡോക്ടര്‍ മാത്രമാണ് ഡ്യൂട്ടിയിലുണ്ടാകുന്നത്. അതും രാവിലെ ഒന്‍പത് മുതല്‍ ഉച്ചയ്ക്ക് 12 വരെയാണ് ഉണ്ടാവുക.
ആലപ്പാട്, ചാഴൂര്‍, പുള്ള്, പുറത്തൂര്‍ ഭാഗങ്ങളിലെ സാധാരണക്കാരായ നുറുകണക്കിനാളുകള്‍ ആശ്രയിക്കുന്ന ഏക ഗവ.ആശുപത്രിയാണിത്.
ഒഴിവു ദിവസങ്ങളില്‍ ഡോക്ടര്‍മാര്‍ അവധിയെടുക്കുന്നതിനെതിരേ പ്രതിഷേധം വ്യാപകമായിട്ടുണ്ട്. ഒഴിവു ദിവസങ്ങളില്‍ രണ്ടു ഡോക്ടര്‍മാരുടെയെങ്കിലും സേവനം ലഭ്യമാക്കണമെന്ന് നാട്ടുകാരുടെ ആവശം.