മാനന്തവാടി: വീടിന് മുന്നില്‍ കെട്ടിയിട്ട പശുവിനെ കടുവ കടിച്ചു കൊന്നു. കാട്ടിക്കുളം ഈശ്വരകൊല്ലി കോളനിയിലെ നായകന്റെ പശുവിനെയാണ് കടുവ കൊന്നത്. 16 ലിറ്ററോളം കറവയുള്ള പശുവിനെയാണ് കൊന്നത്.
ഇന്നലെ രാവിലെ പത്ത് മണിക്കാണ് സംഭവം. സമീപവാസികള്‍ ബഹളം വെച്ചതോടെ അടുത്തുള്ള കാപ്പിത്തോട്ടത്തിലേക്ക് കടുവ മറയുകയായിരുന്നു. കടുവയുടെ ആക്രമണത്തില്‍ പരുക്കേറ്റ മറ്റൊരു പശുവിനെ മാനന്തവാടി വെറ്റിനറി സര്‍ജന്‍ ഡോ. ലക്ഷ്മിയുടെ നേതൃത്വത്തില്‍ ചികിത്സ നല്‍കി.