മലപ്പുറം: സിവില്‍ സ്റ്റേഷനിലെ വിവിധ ഓഫിസുകളിലെ ജീവനക്കാര്‍ സ്ഥിരമായി വൈകിവരുന്നെന്ന പരാതിയെ തുടര്‍ന്നു സിവല്‍ സ്റ്റേഷന്‍ പ്രവേശന കവാടത്തിലും വിവിധയിടങ്ങളിലും സി.സി.ടി.വി കാമറകള്‍ സ്ഥാപിച്ചു. ജീവനക്കാര്‍ വരുന്നതും പോകുന്നതും കലക്ടര്‍ക്കു ചേംബറിലിരുന്നു കാണാനാകും
കലക്ടറേറ്റിലെ റവന്യൂ ഓഫിസുകളില്‍ പഞ്ചിങ് സംവിധാനമുണ്ടെങ്കിലും മറ്റ് ഓഫിസുകളില്‍ ഇതില്ലാത്തതാണ് ജീവനക്കാര്‍ വൈകി വരാന്‍ കാരണം.
രാവിലെ 10നു വിവിധ ആവശ്യങ്ങള്‍ക്ക്  ഓഫിസിലെത്തുന്നവര്‍ക്കു മണിക്കൂറുകളോളം ഉദ്യോഗസ്ഥരെ കാത്തുനില്‍ക്കേണ്ടിവരുന്നതായി പരാതി ലഭിച്ചതിനെ തുടര്‍ന്നാണ് നടപടി.
ജില്ലയിലെ എല്ലാ സര്‍ക്കാര്‍ ഓഫിസുകളിലും ജീവനക്കാര്‍ കൃത്യസമയത്ത് ഓഫിസിലെത്തുന്നുവെന്ന് ഓഫിസ് മേധാവികളും ജില്ലാതല ഉദ്യോഗസ്ഥരും ഉറപ്പുവരുത്തണമെന്നു ജില്ലാ കലക്ടര്‍ നിര്‍ദേശിച്ചു.