തിരുവനന്തപുരം: സംസ്ഥാനത്ത് കൂടുതല്‍ ബാറുകള്‍ തുറക്കാന്‍ നീക്കം. ഇതിനായി ചണ്ഡീഗഡ് മാതൃകയില്‍ ദേശീയ, സംസ്ഥാന പാതകളുടെ പദവി നീക്കംചെയ്യാനാണ് ഉദ്ദേശിക്കുന്നത്.
ചണ്ഡീഗഡിലെ നടപടി സുപ്രിംകോടതി ശരിവച്ചിരുന്നു. ഇതിനേത്തുടര്‍ന്ന് ദേശീയപാതകളുടെ പദവി എടുത്തുകളയണമെന്ന് ആവശ്യപ്പെട്ട് ബാര്‍ മുതലാളിമാര്‍ സര്‍ക്കാരിനെ സമീപിച്ചിട്ടുണ്ട്.
ഇക്കാര്യത്തില്‍ ശക്തമായ സമ്മര്‍ദ്ദമാണ് ബാറുടമകള്‍ ചെലുത്തുന്നത്. ഇവരുടെ സമ്മര്‍ദ്ദത്തെ തുടര്‍ന്ന് തുടക്കത്തില്‍ എതിര്‍പ്പ് പ്രകടിപ്പിച്ച പൊതുമരാമത്ത് വകുപ്പ് ഇപ്പോള്‍ അനുകൂല നിലപാട് സ്വീകരിച്ചതായാണ് സൂചന.
നഗരസഭാ പരിധിയിലുള്ള പാതകള്‍ ഡീ നോട്ടിഫൈ ചെയ്യുന്നതിനുള്ള നീക്കങ്ങള്‍ വകുപ്പുതലത്തില്‍ ആരംഭിച്ചിട്ടുമുണ്ട്.
ഇതോടെ യു.ഡി.എഫ് സര്‍ക്കാരിന്റെ കാലത്ത് അടച്ചുപൂട്ടിയ മുഴുവന്‍ ബാറുകളും തുറക്കുമെന്നാണ് അറിയുന്നത്. അതിനിടെ, റോഡുകള്‍ ഡീനോട്ടിഫൈ ചെയ്യുമ്പോള്‍ പഞ്ചായത്തുകളെ കൂടി ഉള്‍പ്പെടുത്തണമെന്ന ആവശ്യവുമായി ഒരുവിഭാഗം ബാറുടമകള്‍ രംഗത്തെത്തിയിട്ടുണ്ട്.