ധാക്ക: ടെസ്റ്റ് ക്രിക്കറ്റില്‍ ചരിത്ര ജയം സ്വന്തമാക്കി ബംഗ്ലാദേശ്. വിന്‍ഡീസിനെ തരിപ്പണമാക്കുകയും പരമ്പര തൂത്തുവാരുകയും ചെയ്താണ് ബംഗ്ലാദേശ് ചരിത്രത്തിലേക്ക് കാലെടുത്ത്‌വച്ചത്. ബംഗ്ലാദേശ് സ്പിന്നര്‍മാര്‍ കളംനിറഞ്ഞാടിയപ്പോള്‍ ഇന്നിങ്‌സിനും 184 റണ്‍സിനും വിന്‍ഡീസ് തകര്‍ന്നടിയുകയായിരുന്നു. ടെസ്റ്റ് ക്രിക്കറ്റില്‍ ബംഗ്ലാദേശിന്റെ എക്കാലത്തെയും മികച്ച വിജയം കൂടിയാണിത്. ചരിത്രത്തിലാദ്യമായാണ് ബംഗ്ലാദേശ് ടെസ്റ്റില്‍ ഇന്നിങ്‌സ് വിജയം നേടുന്നത്. വിജയത്തോടെ രണ്ടണ്ട് മത്സരങ്ങളുടെ ടെസ്റ്റ് പരമ്പര 2-0ന് ബംഗ്ലാദേശ് തൂത്തുവാരുകയും ചെയ്തു. ആദ്യമായാണ് വിന്‍ഡീസിനെതിരേ ബംഗ്ലാദേശ് ടെസ്റ്റ് പരമ്പര സ്വന്തമാക്കുന്നത്. സ്‌കോര്‍: ബംഗ്ലാദേശ് 508. വെസ്റ്റ് ഇന്‍ഡീസ് 111, 213. മുന്‍നിരയിലെ അഞ്ച് താരങ്ങള്‍ ക്ലീന്‍ ബൗള്‍ഡായി നാണംകെട്ട് മടങ്ങിയ ടെസ്റ്റില്‍ ബംഗ്ലാദേശ് സ്പിന്നര്‍മാര്‍ക്കു മുന്നില്‍ കരീബിയന്‍ പടയ്ക്ക് പിടിച്ചുനില്‍ക്കാന്‍ പോലും കഴിഞ്ഞില്ല. മത്സരത്തിന്റെ മൂന്നാംദിനം തന്നെ വിന്‍ഡീസ് ബംഗ്ലാ കടുവകള്‍ക്ക് മുന്നില്‍ അടിയറവ് പറഞ്ഞു.
ഒന്നാമിന്നിങ്‌സില്‍ ഏഴു വിക്കറ്റുമായി പടനയിച്ച സ്പിന്നര്‍ മെഹ്ദി ഹസന്‍ മിറാസ് രണ്ടണ്ടാമിന്നിങ്‌സില്‍ അഞ്ച് വിക്കറ്റുമായി ബംഗ്ലാദേശ് വിജയം അനായാസമാക്കി. 20 ഓവറില്‍ 59 റണ്‍സ് വിട്ടുകൊടുത്താണ് മിറാസ് അഞ്ച് വിക്കറ്റ് പിഴുതത്. താജുല്‍ ഇസ്‌ലാം മൂന്നും ക്യാപ്റ്റന്‍ ശാകിബുല്‍ ഹസന്‍, നയീം ഹസന്‍ എന്നിവര്‍ ഓരോ വിക്കറ്റും വീഴ്ത്തി രണ്ടണ്ടാമിന്നിങ്‌സിലും ബംഗ്ലാ ബൗളിങ് നിരയില്‍ തിളങ്ങി. 92 പന്തില്‍ ഒന്‍പത് സിക്‌സറും ഒരു ബൗണ്ടണ്ടറിയും ഉള്‍പ്പെടെ 93 റണ്‍സ് അടിച്ചെടുത്ത ഷിംറോണ്‍ ഹെറ്റ്‌മെയര്‍ മാത്രമാണ് രണ്ടണ്ടാമിന്നിങ്‌സില്‍ വിന്‍ഡീസ് ബാറ്റിങ് നിരയില്‍ പിടിച്ചുനിന്നത്. ബംഗ്ലാദേശിന്റെ മെഹ്ദി ഹസന്‍ മിറാസിനെ കളിയിലെ താരമായും ക്യാപ്റ്റന്‍ ശാകിബുല്‍ ഹസനെ പരമ്പരയിലെ താരമായും തിരഞ്ഞെടുത്തു.