HOME
DETAILS

ഓണവിപണിയില്‍ കണ്‍സ്യൂമര്‍ഫെഡിന്റെ ഇടപെടല്‍ ശക്തമാക്കുന്നു

  
backup
July 31 2017 | 22:07 PM

%e0%b4%93%e0%b4%a3%e0%b4%b5%e0%b4%bf%e0%b4%aa%e0%b4%a3%e0%b4%bf%e0%b4%af%e0%b4%bf%e0%b4%b2%e0%b5%8d%e2%80%8d-%e0%b4%95%e0%b4%a3%e0%b5%8d%e2%80%8d%e0%b4%b8%e0%b5%8d%e0%b4%af%e0%b5%82%e0%b4%ae%e0%b4%b0


കോഴിക്കോട്: ഓണം ബക്രീദ് വിപണിയിലെ വിലക്കയറ്റം തടയാന്‍ കണ്‍സ്യൂമര്‍ ഫെഡ് ശക്തമായ ഇടപെടല്‍നടത്തുന്നു. ഇതിന്റെ ഭാഗമായി ഈ ഉത്സവകാലത്ത് സംസ്ഥാനത്ത് കണ്‍സ്യൂമര്‍ ഫെഡിന്റെ 3500 ചന്തകള്‍ പ്രവര്‍ത്തനമാരംഭിക്കും. ഓഗസ്റ്റ് 25ന് ആരംഭിച്ച് സെപ്റ്റംബര്‍ മൂന്നു വരെ തുടരുന്ന ചന്തകള്‍ ഓണം ബക്രീദ് ആഘോഷ നാളുകളില്‍ ജനങ്ങള്‍ക്ക് അവശ്യസാധനങ്ങള്‍ മിതമായ വിലക്ക് നല്‍കും.
വിലക്കുറവിന് പുറമേ ഗുണമേന്‍മയുള്ള ഉല്‍പന്നങ്ങളാണ് ഇത്തവണ വിപണിയിലെത്തുന്നതെന്ന് ഫെഡ് ചെയര്‍മാന്‍ എം മെഹബൂബ്, എം ഡി ഡോ.എം രാമനുണ്ണി എന്നിവര്‍ വാര്‍ത്താ സമ്മേളനത്തില്‍ അറിയിച്ചു. അരിയുള്‍പ്പെടെ 13 നിത്യോപയോഗ സാധനങ്ങള്‍ സബ്‌സിഡിയില്‍ ലഭിക്കും. ജയ അരി 25 രൂപയ്ക്കും പഞ്ചസാര കിലോയ്ക്ക് 22 രൂപയ്ക്കും ചന്തകളില്‍ ലഭിക്കും. ബിരിയാണി അരി ഉള്‍പ്പെടെ പത്തോളം സാധനങ്ങള്‍ മാര്‍ക്കറ്റ് വിലയേക്കാള്‍ 30 മുതല്‍ 40 ശതമാനം വരേ വിലക്കുറവില്‍ ലഭ്യമാക്കും. മറ്റ് 15 ഓളം സാധനങ്ങളും ഓണ വിപണിയില്‍ വിലക്കുറവില്‍ ലഭ്യമാക്കാനുമാണ് നീക്കം.
സര്‍ക്കാര്‍ ഏജന്‍സിയായ കാഷ്യു എക്‌സ്‌പോര്‍ട്ട് പ്രമോഷന്‍ കൗണ്‍സിലിന്റെ ലബോറട്ടറികളില്‍ നിന്നും പരിശോധന നടത്തി ഗുണനിലവാരം ഉറപ്പിച്ച സാധനങ്ങളാണ് ഉപഭോക്താക്കളിലെത്തുക. വിവിധ ഗോഡൗണുകളിലെത്തുന്ന സാധനങ്ങള്‍ ഏജന്‍സിയുടെ ഉദ്യോഗസ്ഥര്‍ പരിശോധിക്കും. കേരളത്തിലെ 961 പഞ്ചായത്തുകളില്‍ 2575 ഓണച്ചന്തകളും മുനിസിപ്പാലിറ്റി കോര്‍പറേഷനുകളിലായി 961 ചന്തകളും 196 ത്രിവേണി, 15 മൊബൈല്‍ ത്രിവേണികളിലുമായി 3477 ചന്തകളും സജ്ജമാക്കും.
ഓണച്ചന്തയുടെ സംഘാടനത്തിന് സംസ്ഥാന സര്‍ക്കാര്‍ 60 കോടി രൂപ അനുവദിച്ചിട്ടുണ്ട്. സംസ്ഥാനതല മെഗാ ചന്ത തിരുവവന്തപുരത്ത് നടക്കും. ഇത്തവണ ഓണത്തിന് ഓണം ബാസ്‌കറ്റ് എന്ന പേരില്‍ പ്രത്യേക കിറ്റും ഇറക്കും. പരീക്ഷണാടിസ്ഥാനത്തില്‍ തിരുവനന്തപുരത്ത് ഈ കൊമേഴ്‌സ് സംവിധാനം ഏര്‍പ്പെടുത്തും. നിലവില്‍ കണ്‍സ്യൂമര്‍ഫെഡ് ലാഭത്തിലാണെന്നും പൊതു മാര്‍ക്കറ്റിലെ വില പിടിച്ചു നിര്‍ത്താന്‍ ഇനിയും ഇടപെടലുകള്‍ ഉണ്ടാവുമെന്നും ചെയര്‍മാന്‍ പറഞ്ഞു.

 

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."