അഡെലയ്ഡ്: ഡേവിഡ് വാര്‍ണറുടെ തകര്‍പ്പന്‍ പ്രകടനത്തിന്റെ കരുത്തില്‍ പാകിസ്താനെതിരേയുള്ള രണ്ടാം ടെസ്റ്റില്‍ ആസ്‌ത്രേലിയക്ക് മികച്ച തുടക്കം.
ടെസ്റ്റിന്റെ ആദ്യ ദിനം ആസ്‌ത്രേലിയ ഒരു വിക്കറ്റ് നഷ്ടത്തില്‍ 302 റണ്‍സ് കണ്ടെത്തിയിട്ടുണ്ട്. നാല് റണ്‍സെടുത്ത ജോ ബേണ്‍സിന്റെ വിക്കറ്റ് മാത്രമാണ് ആസ്‌ത്രേലിയക്ക് നഷ്ടമായത്. 228 പന്തില്‍ 166 റണ്‍സുമായി ഡേവിഡ് വാര്‍ണറും 205 പന്തില്‍ 126 റണ്‍സുമായി മാര്‍ണസും ക്രീസിലുണ്ട്. ആദ്യ ടെസ്റ്റില്‍ മികച്ച ജയം സ്വന്തമാക്കിയ ഓസീസ് രണ്ടാം ടെസ്റ്റിലും പിടി മുറുക്കുന്ന കാഴ്ചയാണ്. ഷഹീന്‍ അഫ്രീദിയാണ് ജോയെ പുറത്താക്കിയത്. ഇന്നും ഓസീസ് മികച്ച ബാറ്റിങ് തുടര്‍ന്നാല്‍ പാകിസ്താന്റെ വിജയപ്രതീക്ഷകള്‍ക്ക് മങ്ങലേല്‍ക്കും.