കൊല്ലം : ട്രാക്കിന്റെ നേതൃത്വത്തില്‍ എല്ലാ വര്‍ഷവും നടത്തി വരാറുള്ള ചുക്കുകാപ്പി വിതരണം കൊല്ലം ചിന്നക്കട പോസ്റ്റ് ഓഫീസിനു സമീപമുള്ള ബസ് ബേയില്‍ ആരംഭിച്ചു. കൊല്ലം ആര്‍.ടി.ഓ വി.സജിത് ഉദ്ഘാടനം ചെയ്തു. തൂയം ഇടവക വികാരി ഫാ. ജോളി എബ്രഹാം, റോട്ടറി 3211 ഡിസ്ട്രിക്ട് ചെയര്‍മാന്‍ ഗോപന്‍ ലോജിക്, ട്രാക്ക് സെക്രട്ടറി ശരത് ചന്ദ്രന്‍, വൈസ് പ്രസിഡന്റുമാരായ സത്യന്‍ പി എ, ജോര്‍ജ് എഫ് സേവ്യര്‍ വലിയവീട്, ജോയിന്റ് സെക്രട്ടറിമാരായ റോണാ റിബെയ്‌റോ, സന്തോഷ് തങ്കച്ചന്‍, ട്രഷറര്‍ ക്യാപ്റ്റന്‍ ക്രിസ്റ്റഫര്‍ ഡിക്കോസ്റ്റ , എസ്.ഐ. കരിം, റോട്ടറി ക്ലബ് ഓഫ് കൊല്ലം മെട്രോ പ്രസിഡന്റ് ബൈജു മാത്യു സംസാരിച്ചു. റോട്ടറി കൊല്ലം മെട്രോയുടെയും ചുങ്കത്ത് ജുവല്ലറിയുടെയും സഹകരണത്തോടെയാണ് ട്രാക്ക് ചുക്കുകാപ്പി വിതരണം നടത്തുന്നത്. ആറു ടീമായി തിരിഞ്ഞു എല്ലാ ദിവസവും മുന്നൂറോളം പേര്‍ക്ക് രാത്രി പന്ത്രണ്ട് മുതല്‍ രാവിലെ നാല് വരെയോ ചുക്കുകാപ്പി തീരുന്നതു വരെയോ വിതരണം ചെയ്യും. ബോധവല്‍ക്കരണ കാര്‍ഡുകളും നല്‍കുന്നുണ്ട്.