കല്‍പ്പറ്റ: കേരള സംസ്ഥാന സാക്ഷരതാ മിഷന്‍ അതോറിറ്റി നടത്തുന്ന ഏഴാം തരം തുല്യതാ ആരംഭിച്ചു.
ജില്ലയില്‍ 232 പേര്‍ പരീക്ഷ എഴുതി. 134 പുരുഷന്‍മാരും 98 സ്ത്രീകളുമാണ്. 64 പട്ടിക വര്‍ഗക്കാരും 11 പട്ടിക ജാതിക്കാരുമാണുള്ളത്. 20 ഭിന്നശേഷിക്കാരുമാണ്. പനമരം ഗവ. ഹയര്‍ സെക്കന്‍ഡറി സ്‌ക്കൂളില്‍ പീക്ഷ എഴുതിയ 60 വയസുള്ള വിജയനാണ് പ്രായം കൂടിയ പഠിതാവ്. തലപ്പുഴ ഗവ. യു.പി.സ്‌കൂളില്‍ പരീക്ഷ എഴുതിയ 17 വയസുള്ള മുഹമ്മദ് അഫ്‌സലാണ് പ്രായം കുറഞ്ഞ പഠിതാവ്.
പരീക്ഷയുടെ ജില്ലാതല ഉദ്ഘാടനം കമ്പളക്കാട് ഗവ. യു.പി സ്‌കൂളില്‍ ജില്ലാ പഞ്ചായത്ത് പ്രസിഡന്റ് കെ.ബി നസീമ കണിയാമ്പറ്റ പഞ്ചായത്തിലെ 35 കാരിയായ ഓമന ഗിരീഷിന് ചോദ്യ പേപ്പര്‍ നല്‍കി കൊണ്ട് നിര്‍വഹിച്ചു. കണിയാമ്പറ്റ പഞ്ചായത്ത് പ്രസിഡന്റ് കടവന്‍ ഹംസ അധ്യക്ഷനായി. ആദിവാസി സാക്ഷരതാ കോഡിനേറ്റര്‍ പി.എന്‍ ബാബു, സ്‌കൂള്‍ പ്രധാനധ്യാപിക ഷേര്‍ളി തോമസ്, പ്രേരക്മാരായ മിനിമോള്‍, പി. പ്രഭാവതി, റോസ്സമ്മ പി.വി ഓഫിസ് സ്റ്റാഫ് പി.വി ജാഫര്‍ സംസാരിച്ചു.
ജില്ലയില്‍ 20 പരീക്ഷാ കേന്ദ്രങ്ങളാണുള്ളത്. ജി.എച്ച്.എസ്.എസ് മേപ്പാടി, ജി.എല്‍.പി.എസ് കല്‍പ്പറ്റ, ഗവ. യു.പി.എസ് പടിഞ്ഞാറത്തറ ഗവ. എസ്.എച്ച്.എസ്.എസ് സു. ബത്തേരി, ഗവ. എച്ച്.എസ്.എസ് അമ്പലവയല്‍, ഗവ. യു.പി.എസ് കമ്പളക്കാട്, ഗവ. എല്‍.പി.എസ് കോറോം, ഗവ. യു.പി.എസ് തലപ്പുഴ, ഗവ. വി.എച്ച്.എസ്.എസ് മാനന്തവാടി, ഗവ. യു.പി.എസ് തരുവണ, ഗവ. എച്ച്.എസ്.എസ് കാട്ടിക്കുളം, ഗവ. എച്ച്.എസ്.എസ് കാപ്പിസെറ്റ്, ഗവ. എച്ച്.എസ്.എസ് കോളേരി, വിജയ എച്ച്.എസ്.എസ് പുല്‍പ്പള്ളി, ഗവ. എച്ച്.എസ്.എസ്. പനമരം, ഗവ. എച്ച്.എസ്.എസ്. മീനങ്ങാടി, ഗവ. എച്ച്.എസ്.എസ്. മൂലങ്കാവ്, ഗവ. എച്ച്.എസ്.എസ്. ആനപ്പാറ, ഗവ. എല്‍.പി.എസ് മൂരിക്കാപ്പ്, എമ്മൗസ്‌വില്ല സ്‌പെഷല്‍ സ്‌കൂള്‍, മാനന്തവാടി എന്നിവയാണ് പരീക്ഷാ കേന്ദ്രങ്ങള്‍.