ജയ്പൂര്‍:നാടോടി കുടുംബങ്ങളിലെ കുട്ടികളെകൂടി വിദ്യാഭ്യാസത്തിലേക്ക് എത്തിക്കാന്‍ ഛല്‍ പാഠശാല(സഞ്ചരിക്കുന്ന സ്‌കൂള്‍) എന്ന പദ്ധതിക്ക് തുടക്കം കുറിച്ചു. ഝല്‍വാര്‍ ജില്ലയിലെ വിദ്യാഭ്യാസ വകുപ്പാണ് ഈ പദ്ധതി തുടങ്ങിയത്. ആറുമുതല്‍ 14 വരെ പ്രായമുള്ള എല്ലാ കുട്ടികള്‍ക്കും വിദ്യാഭ്യാസം മൗലികാവകാശമാക്കുന്നതിന്റെ ഭാഗമായാണ് നടപടിയെന്ന് ജില്ലാ കലക്ടര്‍ ജിതേന്ദ്രകുമാര്‍ സോണി അറിയിച്ചു.