വാഷിങ്ടണ്‍: മതസ്വാതന്ത്ര്യം ലംഘിക്കുന്ന രാജ്യങ്ങളുടെ കരിമ്പട്ടികയില്‍ പാകിസ്താനെ ഉള്‍പ്പെടുത്തി യു.എസ്. ന്യൂനപക്ഷങ്ങളെ അടിച്ചമര്‍ത്തുന്നതിനെ തുടര്‍ന്നാണ് പാകിസ്താനെ പട്ടികയില്‍ ഉള്‍പ്പെടുത്തിയതെന്നും യു.എസ് സ്റ്റേറ്റ് സെക്രട്ടറി മൈക് പോംപിയോ പറഞ്ഞു.
യു.എസ് കോണ്‍ഗ്രസിന്റെ തീരുമാനപ്രകാരമുള്ള വാര്‍ഷിക റിപ്പോര്‍ട്ടാണിത്. മതത്തിന്റെ കാരണത്താല്‍ ലോക വ്യാപമായി നിരവധി അറസ്റ്റുകള്‍, കൊലപാതകങ്ങള്‍ എന്നിവ നടക്കുന്നുണ്ടെന്നും ഇത്തരം അടിച്ചമര്‍ത്തലുകളുടെ കാഴ്ചക്കാരിയി യു.എസ് നില്‍ക്കില്ലെന്നും അദ്ദേഹം പറഞ്ഞു.
ഇറാന്‍, ചൈന, മ്യാന്‍മര്‍, ഉത്തരകൊറിയ, സഊദി അറേബ്യ, സുദാന്‍, താജികിസ്ഥാന്‍, തുര്‍ക്ക്‌മെനിസ്ഥാന്‍ എന്നീ രാജ്യങ്ങളും പട്ടികയിലുണ്ട്.