ന്യൂഡല്‍ഹി: ജാമിഅ മിലിയ സര്‍വകലാശാലയിലെ പൊലിസ് അതിക്രമവുമായി ബന്ധപ്പെട്ട ഹരജി പരിഗണിക്കുന്നത് ഡല്‍ഹി ഹൈക്കോടതി ഫെബ്രുവരി നാലിനേക്ക് മാറ്റി. ഹരജി നേരത്തെ പരിഗണിക്കണമെന്ന് അഭിഭാഷകര്‍ ആവശ്യപ്പെട്ടെങ്കിലും കോടതി നിഷേധിച്ചു. ഇതേതുടര്‍ന്ന് അഭിഭാഷകര്‍ കോടതിയില്‍ പ്രതിഷേധിച്ചു. 'ഷെയിം ഷെയിം' മുദ്രാവാക്യം വിളിച്ചാണ് പ്രതിഷേധിച്ചത്.

അറസ്്റ്റിലായ വിദ്യാര്‍ഥികള്‍ക്ക് ഇടക്കാല സംരക്ഷണം നല്‍കണമെന്ന് ഹരജിക്കാരുടെ അഭിഭാഷകര്‍ ആവശ്യപ്പെട്ടെങ്കിലും കോടതി അത് അനുവദിച്ചില്ല.

അതേസമയം, വിഷയത്തില്‍ ഡല്‍ഹി പൊലിസിനും കേന്ദ്രസര്‍ക്കാരിനും ഡല്‍ഹി ഹൈക്കോടതി നോട്ടിസ് അയച്ചിട്ടുണ്ട്. കേസ് ഫെബ്രുവരി നാലിനു ശേഷം പരിഗണിക്കുമ്പോള്‍ വിശദീകരണം നല്‍കണമെന്നാവശ്യപ്പെട്ടാണ് നോട്ടിസ്.