മംഗളൂരു: മംഗളൂരുവില്‍ കൊല്ലപ്പെട്ടവരുടെ മൃതദേഹം സൂക്ഷിച്ച മോര്‍ച്ചറിക്കു സമീപം കടുത്ത നിയന്ത്രണങ്ങളേര്‍പെടുത്തി പൊലിസ്. സംഭവങ്ങള്‍ റിപ്പോര്‍ട്ട് ചെയ്യുന്നതില്‍ നിന്ന് മാധ്യമങ്ങളെ വിലക്കി. മാധ്യമപ്രവര്‍ത്തകരെ കസ്റ്റഡിയിലെടുത്തെന്നാണ് റിപ്പോര്‍ട്ട്. ഗെയ്റ്റിന് പുറത്തു നിന്നു പോലും റിപ്പോര്‍ട്ട് ചെയ്യാന്‍ അനുവദിക്കുന്നില്ല. വളരെ മോശമായ രീതിയിലാണ് പൊലിസ് മാധ്യമപ്രവര്‍ത്തരോട് പെരുമാറിയത്. ക്യാമറകളും മറ്റും പൊലിസ് പിടിച്ചെടുത്തു.

മീഡിയ വണ്‍, ഏഷ്യാനെറ്റ്, മാതൃഭൂമി, 24 തുടങ്ങിയ ചാനലുകളുടെ റിപ്പോര്‍ട്ടര്‍മാരെയാണ് കസ്റ്റഡിയിലെടുത്തതെന്നാണ് സൂചന.