കണ്ണൂര്‍: ദേശീയ പൗരത്വനിയമ ഭേദഗതിക്കെതിരേ നടക്കുന്ന പ്രതിഷേധങ്ങള്‍ക്ക് വീണ്ടും പിന്തുണയുമായി പ്രശസ്ത ഫുട്‌ബോള്‍ താരം സി.കെ വിനീത്. നേരത്തേ ട്വിറ്ററിലൂടെ വിദ്യാര്‍ഥി പ്രതിഷേധങ്ങളുടെ ഫോട്ടോ പങ്കുവച്ച് ജനാധിപത്യം മതേതരത്വം എന്നീ ഹാഷ്ടാഗുകളോടെ അദ്ദേഹം പ്രതിഷേധത്തിന് പിന്തുണ അറിയിച്ചിരുന്നു.

ഇത്തവരണ ഭീം ആര്‍മി തലവന്‍ ചന്ദ്രശേഖര്‍ ആസാദിന്റെ ചിത്രം ഫേസ്ബുക്കില്‍ ഷെയര്‍ ചെയ്യുകയായിരുന്നു. ആസാദ് എന്ന തലക്കെട്ടും നല്‍കിയാണ് ഭരണഘടനാ ശില്‍പി അംബേദ്കറിന്റെ ഫോട്ടോ കൈയിലേന്തി ആയിരങ്ങള്‍ക്ക് നടുവില്‍ നില്‍ക്കുന്ന ചന്ദ്രശേഖര്‍ ആസാദിന്റെ ഫോട്ടോ പങ്കുവച്ചിരിക്കുന്നത്. കേന്ദ്രസര്‍ക്കാരിനെതിരേ ഉറച്ച നിലപാടുകളുമായി പ്രക്ഷോഭം നടത്തുന്ന ആസാദിനെ ഇന്ന് പുലര്‍ച്ചെയോടെ പൊലിസ്‌കസ്റ്റഡിയിലെടുത്ത് അറസ്റ്റ് ചെയ്തിരുന്നു. കസ്റ്റഡിയിലെടുത്ത് 10 മണിക്കൂറിന് ശേഷമാണ് ഇദ്ദേഹത്തിന്റെ അറസ്റ്റ് രേഖപ്പെടുത്തിയത്.