ആലപ്പുഴ : അഴിമതി മൂടിവെക്കാന്‍ സി.പി.എമ്മിന്റേയും ബി.ജെ.പിയുടേയും നേതാക്കള്‍  പരസ്പരധാരണയോടെ സംസ്ഥാനത്ത് അക്രമങ്ങള്‍ക്ക് നേതൃത്വം നല്‍കുന്നുവെന്ന് ഡി.സി.സി അധ്യക്ഷന്‍ എം.ലിജു ആരോപിച്ചു.
ബി.ജെ.പി നേതാക്കളുമായുള്ള കൂടികാഴ്ചക്ക് എത്തിയ മുഖ്യമന്ത്രി മാധ്യമ പ്രവര്‍ത്തകരെ ഇറക്കിവിട്ട സംഭവം മാധ്യമങ്ങല്‍ അറിയാന്‍ പാടില്ലാത്ത കാര്യങ്ങള്‍ ചര്‍ച്ച ചെയ്യേണ്ടതിനാലാണെന്നും ബി.ജെ.പി നേതാക്കള്‍ ഉള്‍പ്പെട്ട മെഡിക്കല്‍ കോളജ് സാമ്പത്തിക അഴിമതി അന്വേഷിക്കുവാന്‍ സര്‍ക്കാര്‍ തയാറാകണമെന്നും ലിജു ആവശ്യപ്പെട്ടു.
ഫാസിസ്റ്റ് ഭരണകൂട ഭീകരതയ്ക്കും, അഴിമതിക്കുമെതിരേ ആലപ്പുഴ സൗത്ത് ബ്ലോക്ക് കോണ്‍ഗ്രസ് കമ്മിറ്റി പുലയന്‍ വഴിയില്‍ സംഘടിപ്പിച്ച പ്രതിഷേധ കൂട്ടായ്മ ഉദ്ഘാടനം ചെയ്യുകയായിരുന്നു അദ്ദേഹം.
ബ്ലോക്ക് പ്രസിഡന്റ് ഇല്ലിക്കല്‍ കുഞ്ഞുമോന്‍ അധ്യക്ഷനായി. നെടുമുടി ഹരികുമാര്‍, പി.ഉണ്ണികൃഷ്ണന്‍, സുബ്രഹ്മണ്യ ദാസ്, സഞ്ജീവ് ഭട്ട്, സുനില്‍ ജോര്‍ജ്, ബഷീര്‍ കോയാപറമ്പില്‍, മോളി ജേക്കബ്, സീനത്ത് നാസര്‍, സി.വി.മനോജ്കുമാര്‍, ജോണ്‍ ബ്രിട്ടോ, ലൈല ബീവി, കെ.എസ്.ഡൊമിനിക്, എന്‍.ഹരികുമാര്‍, കെ.ആര്‍.ലാല്‍ജി, കെ.നാസ്സര്‍, കെ.നൂറുദ്ദീന്‍കോയ, എം.എം.ഷെരീഫ്, നവാസ് വട്ടയാല്‍, ജമീല ടീച്ചര്‍, എച്ച.എം.മുബാറക്ക് സംസാരിച്ചു.