തിരുവനന്തപുരം: ഉപരാഷ്ട്രപതി വെങ്കയ്യനായിഡു തിരുവനന്തപുരത്ത് വിവിധ പരിപാടികളില്‍ പങ്കെടുക്കുന്നതിന് ഇന്ന് എത്തും. രാവിലെ ഒന്‍പതിന് തിരുവനന്തപുരത്തെത്തുന്ന ഉപരാഷ്ട്രപതി ഹെലികോപ്റ്ററില്‍ വര്‍ക്കലയിലേക്ക് തിരിക്കും. രാവിലെ 10ന് ശിവഗിരി തീര്‍ത്ഥാടന സമ്മേളനം ഉദ്ഘാടനം ചെയ്യും.
ഇവിടെ നിന്ന് ഉച്ചയ്ക്ക് 12ന് തോന്നയ്ക്കല്‍ സായിഗ്രാമത്തിലെത്തുന്ന ഉപരാഷ്ട്രപതി സത്യസായി ഓര്‍ഫനേജ് ട്രസ്റ്റിന്റെ രജതജൂബിലി ആഘോഷത്തില്‍ മുഖ്യാതിഥിയാവും. വൈകിട്ട് നാലിന് മാര്‍ ഇവാനിയോസ് ക്യാംപസില്‍ ദേശീയ ബാലശാസ്ത്ര കോണ്‍ഗ്രസില്‍ പങ്കെടുക്കും. വൈകിട്ട് 5.30ന് തിരുവനന്തപുരം വിമാനത്താവളത്തില്‍ നിന്ന് അദ്ദേഹം പ്രത്യേക വിമാനത്തില്‍ മടങ്ങും.