നെടുങ്കണ്ടം: നെടുങ്കണ്ടം താലൂക്ക് ആശുപത്രിയില്‍ വൈദ്യുതി ഇല്ലെങ്കില്‍ അത്യാഹിത വിഭാഗാത്തിന്റെ പ്രവര്‍ത്തനങ്ങള്‍ താളതെറ്റുന്നത് പതിവാകുന്നു. ഇതോടെ വൈദ്യുതി വരുന്നവരെ ചികിത്സയ്ക്കായി കാത്തിരിക്കേണ്ട അവസ്ഥയാണ് ആശുപത്രിയിലെത്തുന്ന രോഗികള്‍ക്കുള്ളത്. കഴിഞ്ഞ ദിവസം കൈവിരലുകളില്‍ മുറിഞ്ഞ അഞ്ചുവയസുകാരിയുടെ ചികിത്സയ്ക്ക് വൈദ്യുതിയില്ലാത്തത് ജീവനക്കാരെ വലച്ചു. മണിക്കൂറുകള്‍ക്കു ശേഷം വൈദ്യുതി വന്നതോടെയാണ് കുട്ടിക്ക് ചികിത്സ നല്‍കിയത്. എന്നാല്‍ ആശുപത്രിയില്‍ വൈദ്യുതി പോയാല്‍ ജനറേറ്റര്‍ സംവിധാനമുണ്ടെന്നും ആശുപത്രിക്ക് ഫണ്ടില്ലാത്തതിനാല്‍ ഇന്ധനക്ഷാമം നേരിടുന്നുണ്ടെന്നും അടിയന്തര ഘട്ടത്തിലേ പ്രവര്‍ത്തിപ്പിക്കാറുള്ളൂവെന്നും വ്യക്തമാക്കി ആശുപത്രി അധികൃതര്‍ പറയുന്നത്. ജില്ലാ ആശുപത്രിയായി ഉയര്‍ത്തിയിട്ടും അത്യാഹിതവിഭാഗത്തിലും ഓപറേഷന്‍ തിയേറ്ററിലുമെങ്കിലും വിച്ഛേദിക്കപ്പെടാത്തെ പവര്‍ സംവിധാനം ഉറപ്പാക്കാത്ത അധികൃതരോട് രോഗികള്‍ വാക്കുതര്‍ക്കത്തിലേര്‍പ്പെടുന്നതും പതിവാണ്.