ന്യൂഡല്‍ഹി: സി.പി.എം ജനറല്‍ സെക്രട്ടറി സീതാറാം യെച്ചൂരിക്കു രാജ്യസഭയിലേക്കുള്ള മൂന്നാം ഊഴം നല്‍കണമെന്ന ആവശ്യം കേന്ദ്രകമ്മിറ്റി തള്ളിയതിനു പിന്നാലെ ഇക്കാര്യം പാര്‍ട്ടി കോണ്‍ഗ്രസില്‍ ഉന്നയിക്കാന്‍ ബംഗാള്‍ ഘടകം. കേരളാഘടകത്തിന്റെ ശക്തമായ എതിര്‍പ്പാണ് യെച്ചൂരിയുടെ രാജ്യസഭാ പ്രവേശന സാധ്യത ഇല്ലാതാക്കിയത്. യെച്ചൂരിയുടെ രാജ്യസഭാപ്രവേശന വിഷയം വോട്ടിനിട്ടു പരാജയപ്പെട്ടത് കേന്ദ്രകമ്മിറ്റിയില്‍ ബംഗാള്‍ഘടകത്തിനു ശക്തമായ തിരിച്ചടിയാവുകയായിരുന്നു. യെച്ചൂരിക്ക് രാജ്യസഭാ സീറ്റ് നിഷേധിച്ച തീരുമാനം സംബന്ധി
ച്ച് പാര്‍ട്ടി കോണ്‍ഗ്രസിന് മുന്‍പ് പഞ്ചാബ്, രാജസ്ഥാന്‍ തുടങ്ങിയ സംസ്ഥാന ഘടകങ്ങളുമായി ചര്‍ച്ച നടത്താനും ബംഗാള്‍ നേതാക്കള്‍ തീരുമാനിച്ചിട്ടുണ്ട്. ദ്വിദിന സംസ്ഥാനകമ്മിറ്റിയുടെ അവസാന ദിനമായ ഇന്ന് ഇക്കാര്യംചര്‍ച്ചചെയ്‌തേക്കും.