പുല്ലൂര്‍: വനിതയെ കയ്യേറ്റം ചെയ്ത കോണ്‍ഗ്രസ് നേതാവിനെ പൊലിസ് അറസ്റ്റു ചെയ്തു. കോണ്‍ഗ്രസ് മണ്ഡലം പ്രസിഡന്റും, പുല്ലൂര്‍ സഹകരണ ബേങ്ക് വൈസ് പ്രസിഡന്റുമായ മധുരമ്പാടിയിലെ ശ്രീകലയെ കയ്യേറ്റം ചെയ്ത സംഭവത്തില്‍ കോണ്‍ഗ്രസ് ഉദുമ ബ്ലോക്ക് ജനറല്‍ സെക്രട്ടറി എം.ശ്രീധരന്‍ നമ്പ്യാരെയാണ് അമ്പലത്തറ പൊലിസ് അറസ്റ്റു ചെയ്തത്.
ഈ മാസം നാലിനാണു കേസിനാസ്പദമായ സംഭവം. ബേങ്കിലെ ചില പ്രശ്‌നങ്ങളുമായി ബന്ധപ്പെട്ടു ഉണ്ടായ തര്‍ക്കങ്ങള്‍ പരിഹരിക്കാന്‍ ജില്ലാ നേതൃത്വം ഉള്‍പ്പെടെ ഇടപെട്ടെങ്കിലും ഇരു വിഭാഗവും തങ്ങളുടെ വാദത്തില്‍ ഉറച്ചു നിന്നതോടെ ഈ ചര്‍ച്ചകള്‍ അലസിയിരുന്നു. ഇതിനിടയിലാണ് ശ്രീകലക്കു നേരെ കയ്യേറ്റം ഉണ്ടായത്.