കോട്ടയം: വയനാട്ടില്‍ നിന്നുള്ള ദളിത് ആക്ടിവിസ്റ്റ് അമ്മിണി ശബരിമല ദര്‍ശനത്തിനായി എരുമേലിയിലെത്തി. പമ്പയില്‍ കനത്ത സംഘര്‍ഷം തുടരുന്ന സാഹചര്യത്തില്‍ പൊലിസ് ഇവര്‍ക്ക് സുരക്ഷ ഏര്‍പ്പെടുത്തിയിട്ടുണ്ട്. നിലയ്ക്കല്‍ ബേസ് ക്യാംപിലെത്തി അവിടെ നിന്നും ഇവര്‍ ശബരിമലയിലേക്ക് പോകുമെന്നാണ് വിവരം.

അയ്യപ്പനെ കാണാനും ദര്‍ശനം നടത്താനുമാണ് തങ്ങള്‍ പോകുന്നതെന്നും, വിശ്വാസപ്രകാരമാണ് തങ്ങളുടെ യാത്രയെന്നും അമ്മിണി വ്യക്തമാക്കി.

അതിനിടെ കാറില്‍ എരുമേലി ഭാഗത്തേക്ക് യാത്രതിരിച്ച അമ്മിണിയെ പാലാ പൂവരണി ഭാഗത്ത് ബി.ജെ.പി. പ്രവര്‍ത്തകര്‍ വഴിതടഞ്ഞു. പ്രതിഷേധക്കാരെ പൊലിസ് പിന്നീട് അറസ്റ്റ് ചെയ്തു നീക്കി.