തിരുവനന്തപുരം: 2015ലെ കര്‍ഷക അവാര്‍ഡുകള്‍ പ്രഖ്യാപിച്ചു. കൃഷിമന്ത്രി വി.എസ്.സുനില്‍കുമാറാണ് അവാര്‍ഡുകള്‍ പ്രഖ്യാപിച്ചത്. മികച്ച കര്‍ഷകര്‍ക്കൊപ്പം ഉദ്യോഗസ്ഥര്‍ക്കും അവാര്‍ഡുകള്‍ പ്രഖ്യാപിച്ചിട്ടുണ്ട്. മികച്ച പാടശേഖര സമിതിക്കുള്ള മിത്രാനികേതന്‍ വിശ്വനാഥന്‍ മെമ്മോറിയല്‍ നെല്‍ക്കതിര്‍ പുരസ്‌കാരത്തിന് മലപ്പുറം കോലത്തുപാടം കോള്‍കൃഷി കമ്മിറ്റി അര്‍ഹമായി. രണ്ടുലക്ഷം രൂപയും പ്രശംസാപത്രവും ഫലകവും ആണ് പുരസ്‌കാരം. മികച്ച സമ്മിശ്ര കര്‍ഷകനുള്ള കര്‍ഷകോത്തമ പുരസ്‌കാരം പാലക്കാട് സ്വദേശി കെ.കൃഷ്ണനുണ്ണിക്കാണ്. ഒരുലക്ഷം രൂപയും സ്വര്‍ണമെഡലും പ്രശംസാപത്രവും ഫലകവും ആണ് പുരസ്‌കാരം.

വനിതകള്‍ക്കുള്ള യുവകര്‍ഷക അവാര്‍ഡിന് വയനാട് തൊണ്ടര്‍നാട് സ്വദേശി ലക്ഷ്മി രാജന്‍, ഇടുക്കി വലിയതോവാള സ്വദേശി മഞ്ചു മാത്യു എന്നിവര്‍ അര്‍ഹരായി. ഒരുലക്ഷം രൂപയും സ്വര്‍ണമെഡലും പ്രശംസാപത്രവും ഫലകവും അടങ്ങുന്നതാണ് പുരസ്‌കാരം . സമ്മാനത്തുക രണ്ടുപേര്‍ക്കുമായി ലഭിക്കും. മികച്ച യുവകര്‍ഷകനുള്ള പുരസ്‌കാരത്തിന് കണ്ണൂര്‍ പിണറായി സ്വദേശി മഹേഷ് വി. അര്‍ഹനായി. ഒരു ലക്ഷം രൂപയും സ്വര്‍ണമെഡലും പ്രശംസാപത്രവും ഫലകവും ആണ് പുരസ്‌കാരം. മികച്ച കൃഷി ഫാമിനുള്ള പുരസ്‌കാരം കഴക്കൂട്ടം കോക്കനട്ട് നഴ്‌സറിക്ക് ലഭിച്ചു. 15 ലക്ഷം രൂപയും പ്രശംസാപത്രവും ഫലകവും.

മറ്റ് പുരസ്‌കാരങ്ങള്‍ (ഒരുലക്ഷം രൂപയും സ്വര്‍ണമെഡലും പ്രശസ്തി പത്രവും ഫലകവും അടങ്ങുന്നത്). മികച്ച നാളികേര കര്‍ഷകനുള്ള കേരകേസരി പുരസ്‌കാരം നാഗരാജ് .എ, ചിറ്റൂര്‍ പാലക്കാട്. പച്ചക്കറി കര്‍ഷകനുള്ള ഹരിതമിത്ര പുരസ്‌കാരം: പ്രിജിത്കുമാര്‍ എം.എം ചിറ്റൂര്‍ , പാലക്കാട്. ഉദ്യാനശ്രേഷ്ഠ പുരസ്‌കാരം: മിനിജോയ്, മണ്ണാര്‍ക്കാട്, പാലക്കാട്. പട്ടികജാതി വര്‍ഗ കര്‍ഷകനുള്ള കര്‍ഷകജ്യോതി പുരസ്‌കാരം: പൊന്നന്‍, പാലൂര്‍, പാലക്കാട്. ഹൈടെക് ഫാര്‍മര്‍ പുരസ്‌കാരം: ഉണ്ണി സനില്‍, പള്ളന്‍ചാത്തന്നൂര്‍, പാലക്കാട്.

കര്‍ഷകതിലകം(മികച്ച വനിതാകര്‍ഷക ): ഷൈല ബഷീര്‍, നാവായിക്കുളം, തിരുവനന്തപുരം(25,000 രൂപയും സ്വര്‍ണമെഡലും പ്രശസ്തിപത്രവും ഫലകവും). ശ്രമശക്തി പുരസ്‌കാരം(മികച്ച കര്‍ഷകത്തൊഴിലാളി): ലത എസ്.എസ്, പരപ്പൂര്‍, തൃശ്ശൂര്‍, അനില്‍.കെ, കിണാശ്ശേരി, പാലക്കാട് (സമ്മാനത്തുകയായ 25,000 രൂപ ഇരുവര്‍ക്കുമായി നല്‍കും). കൃഷിവിജ്ഞാന്‍ പുരസ്‌കാരം(മികച്ച കൃഷിശാസ്ത്രജ്ഞന്‍): കെ.പി സുധീര്‍, അസോ. പ്രൊഫസര്‍ പ്രോജക്ട് കോഓഡിനേറ്റര്‍, സെന്റര്‍ ഫോര്‍ എക്‌സലന്‍സ് ഇന്‍ പോസ്റ്റ് ഹാര്‍വെസ്റ്റ് ടെക്‌നോളജി, കെ.സി.എ.ഇ.ടി, തവനൂര്‍ (25,000 രൂപയും സ്വര്‍ണമെഡലും പ്രശസ്തിപത്രവും ഫലകവും).

മാധ്യമങ്ങള്‍ക്കുള്ള ഹരിതമുദ്ര പുരസ്‌കാരങ്ങള്‍: അച്ചടിമാധ്യമം: കൃഷിയങ്കണം വി.എഫ്.പി.സി.കെ കൊച്ചി, ദൃശ്യമാധ്യമം: മനോരമ ന്യൂസ് (നാട്ടുപച്ച), ശ്രവ്യമാധ്യമം: റേഡിയോമാക്‌ഫെസ്റ്റ്, കമ്മ്യൂണിറ്റി എഫ്.എം തിരുവല്ല. കര്‍ഷകതിലകം(വിദ്യാര്‍ത്ഥിനി): കുമാരി ഹര്‍ഷ എം.എസ്. കര്‍ഷകപ്രതിഭ(വിദ്യാര്‍ഥി) മാസ്റ്റര്‍ അക്ഷയ് പി, മാസ്റ്റര്‍ ആന്റോ ഫിലിപ്പ്.