കൊല്ലം: നവോത്ഥാനത്തിന്റെ പേരില്‍ മതില്‍കെട്ടുന്ന സി.പി.എം ഗൗരിയമ്മയെയും സുശീലാ ഗോപാലനെയും എന്തുകൊണ്ട് മുഖ്യമന്ത്രിയാക്കിയില്ലെന്ന് ആര്‍.എസ്.പി സംസ്ഥാന സെക്രട്ടറി എ.എ അസീസ് വാര്‍ത്താസമ്മേളനത്തില്‍ ചോദിച്ചു. 1987ല്‍ ഗൗരിയമ്മയെ മുഖ്യമന്ത്രിയാക്കുമെന്നു പറഞ്ഞ് വോട്ടു നേടിയിട്ട് നായനാരെ മുഖ്യമന്ത്രിയാക്കി. 1996ല്‍ സുശീലാ ഗോപാലനെ ഒരു വോട്ടിന് തോല്‍പ്പിച്ചാണ് നിയമസഭാംഗമല്ലാതിരുന്ന നായനാരെ വീണ്ടും മുഖ്യമന്ത്രിയാക്കിയത്. സ്വന്തം പാര്‍ട്ടിയില്‍ സ്ത്രീ സമത്വം പാലിക്കാത്ത സി.പി.എം ആടിനെ പട്ടിയാക്കുകയാണെന്നും അസീസ് പറഞ്ഞു.