കൊണ്ടോട്ടി: ഈ വര്‍ഷവും ഹജ്ജ് തീര്‍ഥാടകര്‍ക്ക് അഞ്ച് ലിറ്റര്‍ സംസം ജലം വിമാന കമ്പനികള്‍ നേരിട്ട് എത്തിക്കണമെന്ന് നിര്‍ദേശം. ഹജ്ജ് ടെന്‍ഡറിലാണ് ഓരോ തീര്‍ഥാടകനുമുള്ള സംസം ഹജ്ജ് കഴിഞ്ഞ് മടങ്ങുമ്പോള്‍ തന്നെ നേരിട്ട് എത്തിച്ചു നല്‍കണമെന്ന് നിര്‍ദേശിച്ചത്. ഹജ്ജ് തീര്‍ഥാടകര്‍ക്ക് 45 കിലോ ബാഗേജും 10 കിലോ ഹാന്‍ഡ് ബാഗേജും കൊണ്ടുപോകാന്‍ അനുമതി നല്‍കണം. ഇവ യാത്ര ചെയ്യുന്ന വിമാനത്തില്‍ തന്നെ കൊണ്ടുപോകണമെന്നും നിര്‍ദേശമുണ്ട്. ബാഗേജ് നഷ്ടപ്പെട്ടാല്‍ തീര്‍ഥാടകന് നഷ്ടപരിഹാരം നല്‍കേണ്ടതും വിമാന കമ്പനിയാണ്.