കണ്ണൂര്‍: കണ്ണൂര്‍ വിമാനത്താവളത്തില്‍ നിന്നു ഗോവയിലേക്കുള്ള വിമാന സര്‍വിസ് ജനുവരി 25 മുതല്‍ ആരംഭിക്കും. ഇന്‍ഡിഗോ ആണ് ഗോവയിലേക്കു സര്‍വിസ് തുടങ്ങുന്നത്. രാത്രി 10.05ന് പുറപ്പെട്ട് 11.35ന് ഗോവയില്‍ എത്തിച്ചേരും. രാത്രി 11.55ന് പുറപ്പെട്ട് പുലര്‍ച്ചെ 1.15ന് കണ്ണൂരില്‍ എത്തിച്ചേരുന്ന രീതിയിലാണു തിരികെയുള്ള സര്‍വിസ്. 1999 രൂപാ നിരക്കില്‍ ഇന്നലെ ടിക്കറ്റ് ബുക്കിങ് ആരംഭിച്ചു.
ഹൈദരാബാദ്, ചെന്നൈ, ബംഗളൂരു, ഹൂബ്ലി എന്നിവിടങ്ങളിലേക്കും 25 മുതല്‍ ഇന്‍ഡിഗോ സര്‍വിസ് തുടങ്ങുന്നുണ്ട്. ഇതിന്റെ ബുക്കിങ് നേരത്തെ ആരംഭിച്ചിരുന്നു.