തിരുവനന്തപുരം: സെക്രട്ടേറിയറ്റിലും പി.എസ്.സിയിലും സെക്യൂരിറ്റി ഗാര്‍ഡ്, മത്സ്യഫെഡില്‍ ജൂനിയര്‍ അസിസ്റ്റന്റ് എന്നീ തസ്തികകളുടെ വിജ്ഞാപനം ഉടന്‍ പുറപ്പെടുവിക്കാന്‍ പി.എസ്.സി യോഗം തീരുമാനിച്ചു.
ഇന്ത്യന്‍ സിസ്റ്റംസ് ഓഫ് മെഡിസിനില്‍ മെഡിക്കല്‍ ഓഫിസര്‍, കൃഷി വകുപ്പില്‍ അഗ്രികള്‍ച്ചര്‍ ഓഫിസര്‍ എന്നീ തസ്തികകളിലേയ്ക്ക് അഭിമുഖം നടത്താനും മെഡിക്കല്‍ വിദ്യാഭ്യാസ വകുപ്പില്‍ അസിസ്റ്റന്റ് പ്രൊഫസര്‍ (ന്യൂറോളജി), അസിസ്റ്റന്റ് പ്രൊഫസര്‍ (അനസ്‌തേഷ്യ), ഹയര്‍ സെക്കന്‍ഡറി വിദ്യാഭ്യാസ വകുപ്പില്‍ ഹയര്‍ സെക്കന്‍ഡറി സ്‌കൂള്‍ ടീച്ചര്‍ (മാത്തമാറ്റിക്‌സ്), ഹയര്‍ സെക്കന്‍ഡറി സ്‌കൂള്‍ ടീച്ചര്‍ (ജൂനിയര്‍) ഉര്‍ദു , കിര്‍ത്താഡ്‌സില്‍ ഇന്‍വെസ്റ്റിഗേറ്റര്‍ (ആന്ത്രപ്പോളജി, സോഷ്യോളജി), കേരള കോമണ്‍ പൂള്‍ ലൈബ്രറി വകുപ്പില്‍ ലൈബ്രേറിയന്‍ ഗ്രേഡ്-4 , ക്ഷീരവികസന വകുപ്പില്‍ ഡയറി ഫാം ഇന്‍സ്ട്രക്ടര്‍, വ്യവസായ പരിശീലന വകുപ്പില്‍ ജൂനിയര്‍ ഇന്‍സ്ട്രക്ടര്‍ (മെക്കാനിക്ക് - മെഡിക്കല്‍ ഇലക്‌ട്രോണിക്‌സ്), ജൂനിയര്‍ ഇന്‍സ്ട്രക്ടര്‍ (സര്‍ഫസ് ഓര്‍ണമെന്റല്‍ ടെക്‌നിക്ക്) എന്നീ തസ്തികകളിലേയ്ക്ക് ചുരുക്കപ്പട്ടിക പ്രസിദ്ധീകരിക്കാനും യോഗം തീരുമാനിച്ചു.