ഓവല്‍: ന്യൂസിലന്‍ഡിന് എതിരായ രണ്ടാം ക്രിക്കറ്റ് ടെസ്റ്റില്‍ ശ്രീലങ്കക്ക് ബാറ്റിങ് തകര്‍ച്ച.
ന്യൂസിലന്റ് ഉയര്‍ത്തിയ 660 റണ്‍സ്് വിജയലക്ഷ്യം പിന്തുടര്‍ന്ന ലങ്കക്ക്് നാലാം ദിനം കളി അവസാനിക്കുമ്പോള്‍ ആറ് വിക്കറ്റ് നഷ്ടത്തില്‍ 231 റണ്‍സെടുക്കാനെ കഴിഞ്ഞുള്ളു. നാല് വിക്കറ്റ് ബാക്കി നില്‍ക്കേ ശ്രീലങ്കക്ക് ജയിക്കാന്‍ 429 റണ്‍സ് വേണം. 16 റണ്‍സുമായി സുരങ്ക ലക്മലും 22 റണ്‍സുമായി ദില്‍റുവാന്‍ പെരേരയുമാണ് ക്രീസില്‍.

ദിനേഷ് ചണ്ടിമല്‍ (56), കുസാല്‍ മെന്‍ഡിസ് (67), റോഷന്‍ സില്‍വ (18), നിരോഷന്‍ ഡിക്വെല്ല (19), ദനുഷ്‌ക ഗുണതിലക (4), ദിമുത് കരുണരത്‌നെ (0) എന്നിവരുടെ വിക്കറ്റുകളാണ് ലങ്കക്ക് നഷ്ടമായത്. 22 റണ്‍സെടുത്ത് നില്‍ക്കേ പരുക്കേറ്റ് എയ്ഞ്ചലോ മാത്യൂസ്് പുറത്ത് പോയത് ലങ്കക്ക് തിരിച്ചടിയായി. താരം ഇന്ന് ബാറ്റ് ചെയ്‌തേക്കും. മൂന്ന് വിക്കറ്റ് വീഴ്ത്തിയ നൈല്‍ വാഗ്നറാണ് ലങ്കന്‍ നിരയെ എറിഞ്ഞു വീഴ്ത്തിയത്. രണ്ട് വിക്കറ്റുമായി ടിം സൗത്തിയും ഒരു വിക്കറ്റുമായി ട്രെന്റ് ബോള്‍ട്ടും തിളങ്ങി.