എടപ്പാള്‍: വട്ടംകുളം പഞ്ചായത്തിലെ അങ്കണവാടികള്‍ ഉടന്‍ വൈദ്യുതീകരിക്കണമെന്ന് യു.ഡി.എഫ് യോഗം ആവശ്യപ്പെട്ടു.
വട്ടംകുളം പഞ്ചായത്തിലെ മിക്ക അങ്കണവാടികളും പ്രവര്‍ത്തിക്കുന്നത് വൈദ്യുതിയില്ലാതെയാണെന്നും പഞ്ചായത്ത് ബോര്‍ഡില്‍ യു.ഡി.എഫ് അംഗങ്ങള്‍ ഈ വിഷയം ഉന്നയിച്ചിട്ടും ഗൗരവമായ നടപടികള്‍ ഉണ്ടാവാത്തത് ഭരണസമിതിയുടെ അനാസ്ഥയാണെന്നും യോഗം കുറ്റപ്പെടുത്തി. സമ്പൂര്‍ണ വൈദ്യുതീകരണവും പൊതുവിദ്യാഭ്യാസ സംരക്ഷണയജ്ഞവുമായി വലിയ പ്രചരണങ്ങള്‍ സര്‍കാര്‍ നടത്തുമ്പോള്‍ അങ്കണവാടികളോടും അവിടുത്തെ പിഞ്ചുകുഞ്ഞുങ്ങളോടുമുള്ള വട്ടംകുളം പഞ്ചായത്ത് ഭരണ സമിതിയുടെ നിഷേധാത്‌നമക സമീപനം അംഗീകരിക്കാന്‍ കഴിയില്ലെന്ന് യു.ഡി.എഫ് അംഗങ്ങള്‍ അഭിപ്രായപ്പെട്ടു.
പത്തില്‍ അഷ്‌റഫ്, എം.എ നജീബ്, കഴുങ്കില്‍ മജീദ്, ഷാജി മോള്‍, രഞ്ജുഷ സുരേഷ്, അമീന അബ്ബാസ്, എ.വി സീനത്ത് സംസാരിച്ചു.