ന്യൂഡല്‍ഹി: ഹാര്‍വേ ചുഴലിക്കാറ്റിലും വെള്ളപ്പൊക്കത്തിലും പെട്ട് 200 ഇന്ത്യന്‍ വിദ്യാര്‍ഥികള്‍ ഹൂസ്റ്റണില്‍ കുടുങ്ങിക്കിടക്കുന്നതായി വിദേശകാര്യ മന്ത്രി സുഷമാ സ്വരാജ്. ഹൂസ്റ്റണ്‍ യൂനിവേഴ്‌സിറ്റി വിദ്യാര്‍ഥികളാണ് കുടുങ്ങിക്കിടക്കുന്നത്.

ഇവര്‍ക്ക് ഇന്ത്യന്‍ കോണ്‍സുലേറ്റ് ഭക്ഷണം എത്തിച്ചുകൊടുക്കാന്‍ ശ്രമിച്ചുകൊണ്ടിരിക്കുകയാണെന്ന് സുഷമ ട്വിറ്ററിലൂടെ അറിയിച്ചു. ചില വിദ്യാര്‍ഥികള്‍ ആശുപത്രിയിലാണെന്നും മന്ത്രി അറിയിച്ചു.

ഇവരെ രക്ഷിക്കാന്‍ വേണ്ടി മറ്റിടങ്ങളിലുള്ള ഇന്ത്യന്‍ സമൂഹം ശ്രമിച്ചുകൊണ്ടിരിക്കുകയാണെന്നും വിവരമുണ്ട്. നാളേയ്ക്ക് മുമ്പ് ഇവരെ മറ്റൊരു സ്ഥലത്തേക്ക് മാറ്റുമെന്നും ഒരാള്‍ ട്വീറ്റ് ചെയ്തിട്ടുണ്ട്.