മട്ടാഞ്ചേരി: വാര്‍ഡ് സഭ കഴിഞ്ഞിറങ്ങിയയാളുടെ സ്‌കൂട്ടര്‍ തോട്ടിലേക്ക് തള്ളിയിടുകയും മൊബൈല്‍ ഫോണ്‍ നശിപ്പിക്കുകയും അസഭ്യം പറഞ്ഞ് ദേഹോപദ്രവം ഏല്‍പ്പിക്കുകയും ചെയ്ത സംഭവത്തിലെ പ്രതിയെ ഫോര്‍ട്ട്‌കൊച്ചി പൊലിസ് അറസ്റ്റ് ചെയ്തു.
കല്‍വത്തി സ്വദേശി കെ.എസ് റഹീം(42)നെയാണ് ഫോര്‍ട്ട്‌കൊച്ചി എസ്.ഐ അനീഷ് കുമാറിന്റെ നേതൃത്വത്തില്‍ അറസ്റ്റ് ചെയ്തത്. കഴിഞ്ഞ ചൊവ്വാഴ്ചയാണ് സംഭവം.
തുരുത്തി സ്വദേശി ഹാഷിമിന്റെ സ്‌കൂട്ടറാണ് ഇയാള്‍ നശിപ്പിച്ചത്. മൊബൈല്‍ തട്ടിയെടുത്ത് തറയില്‍ എറിഞ്ഞ് നശിപ്പിക്കുകയും ചെയ്തു. ഹാഷിമിനെ ചവിട്ടുകയും കൊല്ലുമെന്ന് ഭീഷണിപ്പെടുത്തുകയും ചെയ്തു. എ.എസ്.ഐ രഘുനന്ദന്‍, സിവില്‍ പൊലീസ് ഓഫീസര്‍മാരായ സതീശന്‍, ജോണ്‍, സനല്‍ എന്നിവരും പ്രതിയെ പിടികൂടിയ സംഘത്തിലുണ്ടായിരുന്നു.