മണ്ണാര്‍ക്കാട്: ഒരു കിലോ കഞ്ചാവുമായി വില്‍പ്പനക്കാരന്‍ പിടിയില്‍ വിയ്യക്കുറിശ്ശി ചക്കാലക്കുന്നന്‍ അസീസ് (58) നെയാണ് മണ്ണാര്‍ക്കാട് എക്‌സൈസ് സംഘം പിടികൂടിയത്. ഈ വര്‍ഷം നാലാം തവണയാണ് കഞ്ചാവുമായി ഇയാള്‍ പിടിയിലാവുന്നത്. 100, 200 ഗ്രാം പൊതികളായാണ് വില്‍പ്പന. 100 ഗ്രാമിന് 3000 രൂപയാണ് ഈടാക്കുന്നത്. വിദ്യാര്‍ഥികളെ കേന്ദ്രീകരിച്ചാണ് വില്‍പ്പന നടത്തുന്നതെന്ന് എക്‌സൈസ് സംഘം പറഞ്ഞു. അഗളി നായ്ക്കര്‍ പാടി വെയ്റ്റിങ് ഷെഡിന് സമീപത്താണ് അസീസിനെ പിടികൂടിയത്. നായ്ക്കര്‍ പാടിയില്‍ ആദിവാസിയുടെ സ്ഥലം പാട്ടത്തിനെടുത്ത് വാഴക്കൃഷി നടത്തുകയാണ് അസീസ് ഇതിന്റെ മറവില്‍ ആണ് കഞ്ചാവ് വില്‍പ്പന. എക്‌സൈസ് ഇന്‍സ്‌പെക്ടര്‍ പി. ഉമ്മര്‍, പ്രിവന്റീവ് ഓഫിസര്‍മാരായ എ.കെ. സുമേഷ്, വി.ആര്‍ ബാലകൃഷ്ണന്‍, സിവില്‍ എക്‌സൈസ് ഓഫിസര്‍മാരായ ശ്രീജിത്ത്, പ്രദീപ്, ഡ്രൈവര്‍ അനിരുദ്ധന്‍ എന്നിവര്‍ ചേര്‍ന്നാണ് പ്രതിയെ പിടികൂടിയത്.