ന്യൂഡല്‍ഹി: ഗാസിപുറില്‍ മാലിന്യകൂമ്പാരം തകര്‍ന്ന രണ്ട് പേര്‍ മരിച്ചു. മാലിന്യക്കൂമ്പാരത്തിലുണ്ടായ സ്‌ഫോടനത്തെതുടര്‍ന്ന് ടണ്‍കണക്കിന് മാലിന്യം റോഡിലൂടെ സഞ്ചരിച്ചിരുന്ന വാഹനങ്ങള്‍ക്കുമേല്‍ പതിച്ചാണ് അപകടകാരണം. രാജ്കുമാരി(32)ും അഭിഷേക് (22)ും ആണ് അപകടത്തില്‍ മരിച്ചവര്‍. അപകടം നടന്ന സ്ഥലത്ത് ദേശീയദുരന്തനിവാരണ സേന രക്ഷാപ്രവര്‍ത്തനം നടത്തിക്കൊണ്ടിരിക്കുകയാണ്. ഇടിഞ്ഞുതകര്‍ന്ന മാലിന്യത്തല്‍പ്പെട്ട അഞ്ചുപേരെ ഇവര്‍ രക്ഷപ്പെടുത്തി. മാലിന്യക്കുമ്പാരത്തില്‍നിന്നുണ്ടാകുന്ന വാതകങ്ങളാണ് സ്‌ഫോടനത്തിന് കാരണം എന്നാണ് കരുതുന്നത്.

വര്‍ഷങ്ങളായി ഡല്‍ഹി നഗരത്തില്‍ നിന്നുള്ള മാലിന്യങ്ങള്‍ ഏക്കര്‍കണക്കിന് സ്ഥലത്തായി മേല്‍ക്കുമേല്‍ നിക്ഷേപിച്ചുണ്ടായ, 50 അടിയോളം ഉയരം വരുന്ന ഭീമന്‍ മാലിന്യമലയാണ് തകര്‍ന്നത്