ന്യൂഡല്‍ഹി: മുന്‍ ഇന്‍ഫൊര്‍മേഷന്‍ ആന്‍ഡ് ബ്രോഡ്കാസ്റ്റിങ് സെക്രട്ടറി സുനില്‍ അറോറയെ തെരഞ്ഞടുപ്പ് കമ്മിഷണറായി നിയമിച്ചു. കേന്ദ്ര നിയമമന്ത്രാലയമാണ് ഇക്കാര്യം അറിയിച്ചത്. മുഖ്യ തിരഞ്ഞെടുപ്പ് കമ്മിഷണറായിരുന്ന നസീം സെയ്ദി വിരമിച്ചതിനെ തുടര്‍ന്നാണ് കമ്മിഷനില്‍ ഒരാളുടെ ഒഴിവുണ്ടായത്. നസീം സെയ്ദി വിരമിച്ചതിനെ തുടര്‍ന്ന് മുഖ്യ തെരഞ്ഞെടുപ്പ് കമ്മിഷണറായി അജല്‍ കുമാര്‍ ജ്യോതി നിയമിതനായിരുന്നു. ഓംപ്രകാശ് റാവത്താണ് കമ്മിഷനിലെ മറ്റൊരംഗം.
കേന്ദ്ര ആഭ്യന്തര സെക്രട്ടറി സ്ഥാനത്ത് നിന്ന് വിരമിച്ച രാജീവ് മെഹര്‍ഷി കംപ്‌ട്രോളര്‍ ആന്‍ഡ് ഓഡിറ്റര്‍ ജനറലായും (സി.എ.ജി) നിയമിതനായി. കഴിഞ്ഞ ദിവസം പ്രധാനമന്ത്രിയുടെ അധ്യക്ഷതയില്‍ ചേര്‍ന്ന മന്ത്രിസഭാ യോഗത്തിലാണ് ഇതു സംബന്ധിച്ച തീരുമാനമുണ്ടായത്.