ഇന്റർ മയാമി നായകൻ ലയണൽ മെസിയെ പ്രശംസിച്ചുകൊണ്ട് സംസാരിക്കുകയാണ് ഉറുഗ്വായ്ൻ സൂപ്പർ താരം ലൂയി സുവാരസ്. ക്ലബ്ബ് ലോകകപ്പിലെ ആദ്യ മത്സരത്തിൽ ആഫ്രിക്കൻ ക്ലബായ അൽ അഹ്ലിക്കെതിരെയുള്ളത്‌ മത്സരത്തിലെ മെസിയുടെ പ്രകടനങ്ങളെക്കുറിച്ചാണ് സുവാരസ് സംസാരിച്ചത്. 

"ലിയോയുടെ അനുഭവ സമ്പത്ത് ഈ ടൂർണമെന്റിൽ ഞങ്ങളെ എങ്ങനെ സഹായിക്കുമെന്ന് കൃത്യമായി അറിയാം. അദ്ദേഹത്തിന് ഇത് ഒരു പ്രധാനപ്പെട്ട വെല്ലുവിളിയാണ്. ഈ സമയങ്ങളിൽ അദ്ദേഹത്തെ ഞങ്ങൾ വളരെയധികം പിന്തുണക്കേണ്ടതുണ്ട്. ഈ ടൂർണമെന്റിന്റെ എല്ലാ ബുദ്ധിമുട്ടുകളും ഞങ്ങൾക്കറിയാം. ടൂർണമെന്റിലെ ആദ്യ മത്സരത്തിൽ മെസി നടത്തിയ പ്രകടനങ്ങൾ എന്നെ ഒട്ടും അത്ഭുതപ്പെടുത്തിയില്ല. കാരണം എനിക്ക് അദ്ദേഹത്തെ നന്നായി അറിയാം. എന്നെ സംബന്ധിച്ചിടത്തോളം അദ്ദേഹത്തിന്റെ ഡിഎൻഎയിലുള്ള പ്രതിബദ്ധത അതാണ്. പങ്കെടുക്കുന്ന എല്ലാ മത്സരങ്ങളും വിജയിക്കാനുള്ള അതിയായ ആഗ്രഹം മെസിക്കുണ്ട്. 37 വയസ്സ് ആണെങ്കിലും ഇന്റർ മയാമിൽ ആദ്യം കളത്തിലിറങ്ങുന്നത് അദ്ദേഹമായിരിക്കും" ലൂയി സുവാരസ് ഗോളിന് നൽകിയ ആഭിമുഖത്തിൽ പറഞ്ഞു. 

ക്ലബ്ബ് ലോകകപ്പിലെ ടൂർണമെന്റിലെ ആദ്യ മത്സരത്തിൽ അൽ അഹ്ലിക്കെതിരെ ഇന്റർ മയാമി സമനിലയിൽ കുടുങ്ങുകയായിരുന്നു. മത്സരം സമനിലയിൽ അവസാനിച്ചെങ്കിലും മെസിയുടെ പ്രകടനങ്ങൾ ഏറെ ചർച്ച ചെയ്യപ്പെട്ടിരുന്നു. ടൂർണമെന്റിലെ രണ്ടാം മത്സരത്തിൽ ജൂൺ 20ന് പോർച്ചുഗീസ് ക്ലബ് ആയ ഫോട്ടോക്കെതിരെയാണ് മെസിയുടെയും സംഘത്തിന്റെയും അടുത്ത മത്സരം.

അതേസമയം ഇത്തവണ പുതിയ രൂപത്തിലും ഭാവത്തിലുമാണ് ക്ലബ് ലോകകപ്പ് ഒരുക്കിയിട്ടുള്ളത്. ഒരുമാസത്തോളം നീണ്ടുനിൽക്കുന്ന ടൂർണമെന്റിൽ ആറ് വൻകരകളിൽനിന്ന് 32 ടീമുകളാണ് പങ്കെടുക്കുന്നത്. അമേരിക്കയിലെ 11 നഗരങ്ങളിലെ 12 വേദികളിലായിട്ടാണ് മത്സരങ്ങൾ. ജൂലായ് 13നാണ് കിരീടപോരാട്ടം. 32 ടീമുകളെ എട്ടു ഗ്രൂപ്പുകളായി തിരിച്ചാണ് മത്സരം. 

ഗ്രൂപ്പിലെ ആദ്യരണ്ട് സ്ഥാനക്കാർ പ്രീക്വാർട്ടറിലെത്തും. 2021 മുതൽ 2024 വരെയുള്ള ക്ലബ് ഫുട്‌ബോളിലെ പ്രകടനത്തിന്റെ അടിസ്ഥാനത്തിൽനിന്നാണ് ആറുടീമുകളെ തിരഞ്ഞെടുത്തത്. യൂറോപ്പിൽനിന്ന് 12 ടീമുകളും തെക്കേ അമേരിക്കയിൽനിന്ന് ആറ് ടീമുകളുമുണ്ട്. ആഫ്രിക്ക, ഏഷ്യ, കോൺകകാഫ് എന്നിവിടങ്ങളിൽനിന്ന് നാലു ടീമുകൾ വീതവും ഓഷ്യാനിയയിൽ നിന്ന് ഒരു ടീമും കളിക്കും.

Uruguayan superstar Luis Suarez is speaking out in praise of Inter Miami captain Lionel Messi