മലപ്പുറം: അങ്ങാടിപ്പുറം  തരകന്‍ ഹയര്‍ സെക്കന്‍ഡറി സ്‌കൂള്‍ ഇന്‍ഡോര്‍ സ്‌റ്റേഡിയം നാളെ  രാവിലെ പത്തിന് നിയമസഭ സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്യും. ടിഎ അഹമ്മദ് കബീര്‍ എംഎല്‍എ അധ്യക്ഷനാകും. എസ്.എസ്.എല്‍.സി,  പ്ലസ്ടു, മെഡിക്കല്‍ പ്രവേശന പരീക്ഷ എന്നിവയില്‍ മികച്ച വിജയം  നേടിയ വിദ്യാര്‍ഥികളെ ആദരിക്കും.  ഫുട്‌ബോള്‍ ഉഴികെയുള്ള ചെറിയ കായിക  പരിശീലനങ്ങള്‍ക്കുള്ള സൗകര്യമാണ് ഇന്‍ഡോര്‍ സ്‌റ്റേഡിയത്തില്‍ ഒരുക്കുന്നതെന്ന്  വി.കെ വേണുഗോപാലന്‍, പത്തൂര്‍ ജലീല്‍, ടി.കെ മുഹമ്മദ്,  ജെ. സാബു, ടി.എന്‍  രാജു എന്നിവര്‍ വാര്‍ത്താസമ്മേളനത്തില്‍ പറഞ്ഞു.