ട്ബിലിസി: ലോക ചെസ്സ് കപ്പില്‍ ഇന്ത്യന്‍ ഗ്രാന്‍ഡ് മാസ്റ്റര്‍ എസ്.പി സേതുരാമന്‍ കുതിപ്പ് തുടരുന്നു. മൂന്നാം റൗണ്ടിലെ ആദ്യ പോരാട്ടത്തില്‍ സേതുരാമന്‍ മുന്‍നിര താരമായ ഹോളണ്ടിന്റെ അനിഷ് ഗിരിയെ സമനിലയില്‍ തളച്ചു. മറ്റൊരു ഇന്ത്യന്‍ താരം വിദിത് ഗുജ്‌റാത്തി ചൈനയുടെ ഡിങ് ലിറെനുമായി സമനിലയില്‍ പിരിഞ്ഞു. നേരത്തെ ഇന്ത്യന്‍ പ്രതീക്ഷകളും മുന്‍നിര ഗ്രാന്‍ഡ് മാസ്റ്റര്‍മാരുമായ വിശ്വനാഥന്‍ ആനന്ദ്, പി ഹരികൃഷ്ണ എന്നിവര്‍ ടൂര്‍ണമെന്റില്‍ നിന്ന് പുറത്തായിരുന്നു. ലോക ചാംപ്യന്‍ നോര്‍വെയുടെ മാഗ്നസ് കാള്‍സനെ ചൈനയുടെ ബു സിയാങ്‌സി അട്ടിമറിച്ചതും മൂന്നാം റൗണ്ടിലെ ആദ്യ ഗെയിമിനെ ശ്രദ്ധേയമാക്കി.