മുക്കം: ആനയാംകുന്ന് ഹയര്‍ സെക്കന്‍ഡറി സ്‌കൂളിലെ സ്റ്റുഡന്റ് പൊലിസ് കേഡറ്റുകള്‍ക്കായി നടത്തിയ ത്രിദിന ഓണം അവധിക്കാല ക്യാംപ് സമാപിച്ചു. സമാപന സെഷന്‍ മെഡിക്കല്‍ ഓഫിസര്‍ ഡോ. വി.പി ഗീത ഉദ്ഘാടനം ചെയ്തു. വിവിധ വിഷയങ്ങളിലായി ലത്തീഫ് മുട്ടാഞ്ചേരി, മൈനര്‍ ഇറിഗേഷന്‍ അസിസ്റ്റന്റ് എന്‍ജിനീയര്‍ ഫൈസല്‍, ജാഫര്‍ കരീറ്റിപറമ്പ്, രംഗീഷ് കടവത്ത് എന്നിവര്‍ ക്ലാസെടുത്തു. കരാട്ടെ ബ്ലാക്ക് ബെല്‍ട്ട് മുഹമ്മദ് ഷമ്മാസ് കരാട്ടെ ക്ലാസും മലബാര്‍ സ്‌പെഷല്‍ പൊലിസ് ട്രൈനര്‍ ജയദീപ് യോഗ ക്ലാസും എടുത്തു.
അധ്യാപകരായ അനില്‍ ശേഖര്‍, മുഹമ്മദ് മാളിയേക്കല്‍, അബ്രഹാം വില്‍സന്‍, വി.പി ശോഭന, കെ. അബ്ദുസ്സലാം, കെ. സുബൈദ, ഇജാസ് അഹമ്മദ്, പി. ശോഭന, കെ. ഫാത്തിമ ബീവി, ഷാജു സക്കറിയ തുടങ്ങിയവര്‍ നേതൃത്വം നല്‍കി. എ.കെ മുഹമ്മദ് ഷഹദ്, അനുപ്രിയ സംസാരിച്ചു. സി.പി.ഒ ഇസ്ഹാഖ് കാരശ്ശേരി സ്വാഗതവും എ.സി.പി.ഒ പി.പി ജസീല നന്ദിയും പറഞ്ഞു.