പൂനൂര്‍: ഉണ്ണികുളം ഗ്രാമപഞ്ചായത്തിലെ എസ്റ്റേറ്റ്മുക്ക് നായാട്ട്കുന്നുമ്മല്‍ ശിവദാസന്റെ വീട്ടിലെ ആടിനെ തെരുവുനായ്ക്കള്‍ കടിച്ചുകൊന്നു. ശിവദാസന്റെ ഭാര്യ സജിമോള്‍ക്ക് ഗ്രാമപഞ്ചായത്ത് ജനകീയാസൂത്രണത്തില്‍നിന്നു ലഭിച്ചതായിരുന്നു ആട്. തൊട്ടടുത്ത പറമ്പില്‍ മേയാന്‍ വിട്ട സമയത്താണ് ആടിനെയും കുട്ടിയെയും തെരുവുനായ്ക്കള്‍ ആക്രമിച്ചത്. ആട്ടിന്‍കുട്ടിക്കും കടിയേറ്റിട്ടുണ്ട്. സംഭവത്തില്‍ അധികൃതര്‍ക്ക് പരാതി നല്‍കി.