മാനന്തവാടി: അജ്ഞാത ജീവിയുടെ ആക്രമണത്തില്‍ വളര്‍ത്തു മൃഗങ്ങള്‍ക്ക് പരുക്കേറ്റു. തലപ്പുഴ മക്കിമല-പീടികക്കുന്ന് കോളനിയിലാണ് ചൊവ്വാഴ്ച രാത്രി അജ്ഞാത ജീവിയുടെ ആക്രമണമുണ്ടായത്.
അജ്ഞാത ജീവി പ്രദേശവാസികളായ അനീഷിന്റെ വളര്‍ത്തു നായയെ കടിച്ചു കൊല്ലുകയും രാമന്‍, ബാലകൃഷ്ണന്‍ എന്നിവരുടെ ആടുകളെയും കൃഷ്ണന്‍ എന്നയാളുടെ നാല് കോഴികളെയും ആക്രമിച്ച് പരുക്കേല്‍പ്പിക്കുകയും ചെയ്തിട്ടുണ്ട്. അജ്ഞാത ജീവിയുടെ ആക്രമണം സംബന്ധിച്ച് കോളനിവാസികള്‍ തലപ്പുഴ ഫോറസ്റ്റ് സ്റ്റേഷനില്‍ പരാതി നല്‍കിയിട്ടുണ്ട്.