ചെന്നൈ: ചെന്നൈയില്‍ എസ്.ടി കൊറിയര്‍ കമ്പനിയുടെ ഓഫീസുകളില്‍ എന്‍ഫോഴ്‌സ്‌മെന്റ് ഡയറക്ടറേറ്റിന്റെ (ഇ.ഡി) റെയ്ഡ്. തമിഴ്‌നാട്ടിലെ ലീഗ് എം.പി നവാസ് കനിയുമായി ബന്ധമുള്ള കൊറിയര്‍ കമ്പനിയാണ് ഇത്. എസ്.ടി കൊറിയറിന്റെ ഹെഡ് ഓഫിസ് ഉള്‍പ്പെടെ 10 സ്ഥലങ്ങളിലാണ് റെയ്ഡ്. നിലവില്‍ രാമനാഥപുരം എംപിയായ നവാസ് കനി, വരുന്ന ലോക്‌സഭാ തിരഞ്ഞെടുപ്പിലും ഇവിടെനിന്ന് ജനവിധി തേടാനിരിക്കെയാണ് ഇ.ഡി ഉദ്യോഗസ്ഥര്‍ അദ്ദേഹത്തിന്റെ സ്ഥാപനങ്ങളില്‍ പരിശോധന നടത്തുന്നത്.

പ്രധാനമന്ത്രി നരേന്ദ്ര മോദി മത്സരിച്ചേക്കുമെന്ന് അഭ്യൂഹങ്ങളുണ്ടായിരുന്ന മണ്ഡലമാണ് നവാസ് കനി സിറ്റിങ് എംപിയായ രാമനാഥപുരം. ലോക്‌സഭാ തെരഞ്ഞെടുപ്പില്‍ തമിഴ്‌നാട്ടില്‍ ഡിഎംകെ സഖ്യത്തിന്റെ ഭാഗമാണ് മുസ്‌ലിം ലീഗ്. ഡി.എം.കെയും കോണ്‍ഗ്രസും സി.പി.എമ്മും ഉള്‍പ്പെടുന്ന സഖ്യത്തിന്റെ സ്ഥാനാര്‍ഥിയായി മത്സരിച്ചാണ് കഴിഞ്ഞ തവണ നവാസ് ഗനി പാര്‍ലമെന്റിലെത്തിയത്.

ഇത്തവണയും രാമനാഥപുരം ലീഗിനു നല്‍കാന്‍ ധാരണയായിരുന്നു. ഇവിടെനിന്ന് നവാസ് കനി ഒരിക്കല്‍ക്കൂടി ജനവിധി തേടുമെന്ന് ഉറപ്പായിരിക്കെയാണ് ഇ.ഡി പരിശോധന.