വണ്ടിപ്പെരിയാര്‍: കെട്ടിടത്തിന്റെ മൂന്നാം നിലയില്‍ നിന്നും താഴേയ്ക്ക് വീണ മൂന്ന് വയസുകാരന്‍ അത്ഭുതകരമായി രക്ഷപെട്ടു. പെരിയാര്‍ ജയ ബില്‍ഡിങ്ങില്‍ താമസിക്കുന്ന അന്‍പഴകന്റെ കൊച്ചുമകന്‍ അര്‍ജുന്‍ ആണ് സാരമായി പരുക്കുകളോടെ രക്ഷപെട്ടത്.
ഇന്നലെ വൈകിട്ട് ആറ് മണിയോടെയാണ് സംഭവം. വിടിന്റെ വരാന്തയില്‍ കളിച്ചു കൊണ്ടിരിക്കെ ഗ്രില്ലിനിടയിലൂടെയാണ് കുട്ടി താഴേക്ക് പതിച്ചത്. രണ്ടു കെട്ടിടത്തിന്റെ ഇടവഴിയില്‍ സ്ഥാപിച്ചിരുന്ന സീലിംഗിന് മുകളിലേക്കാണ് കുട്ടി പതിച്ചത്.
തമിഴ്‌നാട്ടിലെ സ്വഭവനത്തില്‍നിന്നും രാവിലെയാണ് കുട്ടി അന്‍പഴകന്റെ വിട്ടില്‍ എത്തിയത്. അര്‍ജുനെ പെരിയാര്‍ സാമൂഹിക ആരോഗ്യ കേന്ദ്രത്തില്‍ പ്രവേശിപ്പിച്ചു.