എറണാകുളം: എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ ദക്ഷിണ കേരളത്തിലെ കര്‍മ പദ്ധതികള്‍ തയാറാക്കുന്നതിനും ആനുകാലിക വിഷയങ്ങളില്‍ നിലപാടുകള്‍ വിശദീകരിക്കുന്നതിനും വേണ്ടി സൗത്ത് കേരള ഡെലിഗേറ്റ്‌സ് മീറ്റ് നാളെ ആലുവ സെന്‍ട്രല്‍ ജുമാ മസ്ജിദ് ഹാളില്‍ നടക്കും.
എറണാകുളം മുതല്‍ തിരുവനന്തപുരം വരെയുള്ള ജില്ലകളിലെ അംഗീകൃത ശാഖ പ്രസിഡന്റ്, ജനറല്‍ സെക്രട്ടറി, ട്രഷറര്‍ എന്നിവരും മേഖല, ജില്ലാ ഭാരവാഹികളും ഉപസമിതി ചെയര്‍മാന്‍ - കണ്‍വീനര്‍മാരുമാണ് മീറ്റില്‍ പങ്കെടുക്കുക.
ഉച്ചയ്ക്ക് ഒന്നു മുതല്‍ വൈകിട്ട് ആറ് വരെയാണ് പരിപാടി. ലീഡേഴ്‌സ് കാരവനില്‍ പങ്കെടുക്കാത്ത ശാഖകള്‍ക്കുള്ള അദാലത്ത് രാവിലെ 11ന് നടക്കും.
സമസ്ത മുശാവറ അംഗം ഇ.എസ്.ഹസന്‍ ഫൈസി, സയ്യിദ് അബ്ദുല്ലാ തങ്ങള്‍, ഓണംപിള്ളി മുഹമ്മദ് ഫൈസി, സത്താര്‍ പന്തലൂര്‍, റശീദ് ഫൈസി വെള്ളായിക്കോട് , ഡോ. സുബൈര്‍ ഹുദവി ചേകനൂര്‍ , കെ.എന്‍.എസ് മൗലവി സംബന്ധിക്കും.