മേപ്പാടി: കല്‍പ്പറ്റ-മേപ്പാടി റോഡില്‍ പുത്തൂര്‍വയല്‍ വിനായകക്ക് സമീപം റോഡരികില്‍ ഉണങ്ങി നില്‍ക്കുന്ന വന്‍മരം അപകട ഭീഷണി ഉയര്‍ത്തുന്നു.
പൂര്‍ണമായും ഉണങ്ങിയ മരം ഏത് നിമിഷവും നിലംപൊത്തിയേക്കാവുന്ന അവസ്ഥയിലാണ്. റോഡ് വീതികൂട്ടിയപ്പോള്‍ മരം അടുക്കുകയും ചെയ്തു.
മരം മുറിച്ചുനീക്കിയില്ലെങ്കില്‍ വന്‍ അപകട സാധ്യതയാണ് നിലനില്‍ക്കുന്നത്.
ഇപ്പോള്‍ തന്നെ ഉണങ്ങിയ ചില്ലകള്‍ പൊട്ടിവീഴുന്നുമുണ്ട്. തലനാരിഴക്കാണ് പലരും രക്ഷപെടുന്നത്.
മരംമുറിച്ച് നീക്കാന്‍ നടപടിയാവശ്യപ്പെട്ട് ജില്ലാ കലക്ടര്‍ക്കും പൊതുമരാമത്ത് വകുപ്പിലും പരാതി നല്‍കിയെങ്കിലും യാതൊരു വിധ നടപടിയും ഉണ്ടായില്ല.