തിരുവനന്തപുരം: ഗതാഗതമന്ത്രി തോമസ് ചാണ്ടിക്കെതിരായ ആരോപണങ്ങള്‍ വിജിലന്‍സ് അന്വേഷിക്കണമെന്ന് പ്രതിപക്ഷ നേതാവ് രമേശ് ചെന്നിത്തല. തോമസ് ചാണ്ടിയുടെ നിയമലംഘനം ചൂണ്ടികാണിച്ച് ചെന്നിത്തല വിജിലന്‍സിന് പരാതി നല്‍കും.

വിഷയത്തില്‍ മുഖ്യമന്ത്രി പിണറായി വിജയന്‍ തുടരുന്ന മൗനം ദുരൂഹമാണെന്നും പ്രതിപക്ഷ നേതാവ് ആരോപിച്ചു.

നിയമലംഘനങ്ങളെക്കുറിതച്ചുള്ള അന്വേഷണത്തിന് വിജിലന്‍സ് തയ്യാറായില്ലെങ്കില്‍ നിയമപരമായ മറ്റു വഴികള്‍ തേടുമെന്നും അദ്ദേഹം പറഞ്ഞു.

ഡി.ജി.പി ലോക്‌നാഥ് ബെഹ്‌റയുടെ ഇരട്ടപദവി സംബന്ധിച്ചും പ്രതിപക്ഷ നേതാവ് ആരോപണമുന്നയിച്ചു. വിജിലന്‍സ് ഡയറക്ടറില്ലാത്ത അവസ്ഥ അപാകതയാണ്. വിജിലന്‍സ് ഡയറക്ടറെ നിയമിക്കാത്തത് അഴിമതി കേസുകള്‍ തേച്ചുമാച്ചുകളയാനാണെന്നും ചെന്നിത്തല ആരോപിച്ചു.