ലണ്ടന്‍: വെസ്റ്റിന്‍ഡീസിനെതിരായ ഏകദിന പരമ്പര ഇംഗ്ലണ്ടിന്. നാലാം ഏകദിനത്തില്‍ ആറ് വിക്കറ്റിന് വിജയിച്ചാണ് ഇംഗ്ലണ്ട് പരമ്പര നേടിയത്. ഡെക്ക്‌വര്‍ത്ത് ലൂയീസ് നിയമപ്രകാരമാണ് ഇംഗ്ലണ്ട് വിജയിച്ചത്. ആദ്യം ബാറ്റ് ചെയ്ത വെസ്റ്റിന്‍ഡീസ് നിശ്ചിത 50 ഓവറില്‍ അഞ്ച് വിക്കറ്റ് നഷ്ടത്തില്‍ 356 റണ്‍സെന്ന മികച്ച സ്‌കോര്‍ പടുത്തുയര്‍ത്തി. ഓപണര്‍ എവിന്‍ ലൂയീസിന്റെ തകര്‍പ്പന്‍ സെഞ്ച്വറി (130 പന്തില്‍ 176) യുടെ ബലത്തിലാണ് വിന്‍ഡീസ് കൂറ്റന്‍ സ്‌കോറിലെത്തിയത്. പിന്നീട് മഴ കളി തടസ്സപ്പെടുത്തിയതോടെ ഇംഗ്ലണ്ടിന്റെ ലക്ഷ്യം 253 റണ്‍സായി നിര്‍ണയിച്ചു. അവര്‍ അഞ്ച് വിക്കറ്റ് നഷ്ടത്തില്‍ 258 റണ്‍സെടുത്തു.