സ്വർണവിലയിൽ ഇന്ന് മാറ്റമില്ല; ഗ്രാമിന് 5,030 രൂപ
സ്വർണവില ഇന്ന് മാറ്റമില്ലാതെ തുടരുന്നു. ഗ്രാമിന് 6,060 രൂപയും പവന് 48,480 രൂപയുമാണ് ഇന്നത്തെ വില. ഇന്നലെ പവന് 320 രൂപയും ഗ്രാമിന് 40 രൂപയും ഉയർന്നിരുന്നു. 18 കാരറ്റ് സ്വർണവിലയിലും ഇന്ന് മാറ്റമില്ല. ഗ്രാമിന് 5,030 രൂപയിലാണ് വ്യാപാരം നടക്കുന്നത്.
വെള്ളിവിലയും ഗ്രാമിന് 80 രൂപയെന്ന റെക്കോഡ് വിലയിൽ തുടരുകയാണ്. ഈ മാസം 9ന് കുറിച്ച ഗ്രാമിന് 6,075 രൂപയും പവന് 48,600 രൂപയുമാണ് കേരളത്തിൽ സ്വർണവിലയുടെ ചരിത്രത്തിലെ ഏറ്റവും ഉയർന്ന വില.
ആഗോള വിപണിയിൽ സ്വർണം ഔൺസിന് 2,150 ഡോളറിൽ നിന്ന് ഇന്നലെ 2,170 ഡോളറിന് മുകളിലേക്ക് കയറിയ രാജ്യാന്തരവില പിന്നീട് 2,161 ഡോളറിലേക്ക് താഴ്ന്നിരുന്നു. ഇപ്പോൾ 2,164 ഡോളറിലാണ് വ്യാപാരം. ഈ ചാഞ്ചാട്ടത്തിന് പുറമേ ഇന്നലെ ഡോളറിനെതിരെ രൂപയുടെ മൂല്യം നേരിയതോതിൽ താഴ്ന്നതും ഇന്ന് ആഭ്യന്തര സ്വർണവിലയെ മാറ്റമില്ലാതെ തുടരാൻ ഇടയാക്കിയിട്ടുണ്ട്.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."