തിരുവനന്തപുരം ഗവ. ആയുര്‍വേദ കോളേജില്‍ ആയുര്‍വേദ തെറാപ്പിസ്റ്റ് തസ്തികയില്‍ താല്‍ക്കാലികമായി ദിവസവേതനാടിസ്ഥാനത്തില്‍ നിയമിക്കുന്നതിന് ഒക്ടോബര്‍ 12ന് രാവിലെ 11 ന് തിരുവനന്തപുരം ഗവ. ആയുര്‍വേദ കോളേജ് പ്രിന്‍സിപ്പാളിന്റെ ഓഫീസില്‍ വാക്ക് ഇന്‍ ഇന്റര്‍വ്യൂ നടത്തും. ഉദ്യോഗാര്‍ത്ഥികള്‍ എസ്.എസ്.എല്‍.സിയോ തത്തുല്യ യോഗ്യതയോ ഉളളവരായിരിക്കണം. കേരള സര്‍ക്കാരിന്റെ ആയുര്‍വേദ തെറാപ്പിസ്റ്റ് കോഴ്‌സ് പാസ്സായ സര്‍ട്ടിഫിക്കറ്റും ഒരു വര്‍ഷ പ്രവൃത്തി പരിചയവും വേണം. ഉദ്യോഗാര്‍ത്ഥികള്‍ ബയോഡേറ്റയും, അസല്‍ സര്‍ട്ടിഫിക്കറ്റുകളും, പകര്‍പ്പുകളും സഹിതം ഇന്റര്‍വ്യൂവിനെത്തണം.