ന്യൂഡല്‍ഹി: ഇന്ത്യന്‍ കപ്പലിനെ ആക്രമിക്കാനുള്ള കടല്‍ക്കൊള്ളക്കാരുടെ ശ്രമം ഇന്ത്യന്‍ നാവികസേന പരാജയപ്പെടുത്തി. ഏദന്‍ കടലിടുക്കില്‍ വെള്ളിയാഴ്ച ഉച്ചയ്ക്ക് 12.30ഓടെയാണ് സംഭവം.

ഇന്ത്യന്‍ കപ്പലായ എം.വി ജാഗ് അമറിനെ ആക്രമിക്കാന്‍ ശ്രമിച്ച കടല്‍ക്കൊള്ളക്കാരെയാണ് നാവികസേനയുടെ ഐ.എന്‍.എസ് ത്രിശൂല്‍ തുരത്തിയത്. സഊദി അറേബ്യയിലെ ജുബൈലിലേക്കുള്ള യാത്രയിലായിരുന്നു ജാഗ് അമര്‍ എന്ന ചരക്കുകപ്പല്‍. കൊള്ളയടിക്കാനുള്ള ശ്രമം തടഞ്ഞ നാവികസേനാംഗങ്ങള്‍ കപ്പലില്‍ എത്തിയിട്ടുണ്ട്.

കൊള്ളക്കാരുടെ എ.കെ 47 തോക്കും തിരകളും നാവികസേന പിടിച്ചെടുത്തിട്ടുണ്ട്. 12 പേര്‍ വരുന്ന സംഘമാണ് കൊള്ള നടത്താനെത്തിയതെന്നാണ് സൂചന. ഇവരെ പിടികൂടാനുള്ള ശ്രമം നടന്നുവരികയാണ്. കൂടുതല്‍ വിവരങ്ങള്‍ അറിവായിട്ടില്ല.