പിങ്ക് ടോയ്‌ലെറ്റ്: അട്ടപ്പാടി മാതൃക ഇന്ത്യയിലൊട്ടാകെ നടപ്പാക്കും

backup

October 06 2017 | 21:10 PM

%e0%b4%aa%e0%b4%bf%e0%b4%99%e0%b5%8d%e0%b4%95%e0%b5%8d-%e0%b4%9f%e0%b5%8b%e0%b4%af%e0%b5%8d%e2%80%8c%e0%b4%b2%e0%b5%86%e0%b4%b1%e0%b5%8d%e0%b4%b1%e0%b5%8d-%e0%b4%85%e0%b4%9f%e0%b5%8d%e0%b4%9f

അഗളി: അട്ടപ്പാടി അഗളി സര്‍ക്കാര്‍ സ്‌കൂളില്‍ നടപ്പിലാക്കിയ പിങ്ക് ടോയ്‌ലെറ്റ് സംവിധാനം രാജ്യത്തൊട്ടാകെ നടപ്പിലാക്കാന്‍ കേന്ദ്രസര്‍ക്കാര്‍ തീരുമാനിച്ചു. കൗമാരപ്രായക്കാരായ പെണ്‍കുട്ടികള്‍ക്ക് മാത്രമായി ഉപയോഗിക്കാവുന്ന പിങ്ക് ടോയ്‌ലെറ്റില്‍ നാപ്കിന്‍ വെന്‍ഡിങ് മെഷീനും ഉപയോഗിച്ച നാപ്കിനുകള്‍ സംസ്‌കരിക്കുന്നതിനുള്‍പ്പെടെയുള്ള സൗകര്യങ്ങള്‍ സജ്ജീകരിച്ചിട്ടുണ്ട്. കേരളത്തില്‍ ആദ്യമായി ഈ സംവിധാനം അഗളി സര്‍ക്കാര്‍ സ്‌കൂളിന് നല്‍കിയത് അട്ടപ്പാടിയിലെ ശാന്തി ഇന്‍ഫര്‍മേഷന്‍ ആന്‍ഡ് മെഡിക്കല്‍ സെന്ററാണ്. കഴിഞ്ഞ ഓഗസ്റ്റ് 15ന് ആണ് സ്‌കൂളില്‍ പിങ്ക് ടോയ്‌ലെറ്റ് സ്ഥാപിച്ചത്. ഇതിന്റെ പ്രവര്‍ത്തനവും ഉപയോഗവും ഗുണങ്ങളും വിശദീകരിച്ചുകൊണ്ട് ശാന്തി ഡയറക്ടര്‍ ഉമാപ്രേമന്‍ കേന്ദ്രസര്‍ക്കാരിന് കത്തയച്ചിരുന്നു. ഇത് പൂര്‍ണമായും അംഗീകരിച്ചുകൊണ്ട് എല്ലാ സംസ്ഥാന സര്‍ക്കാരുകളോടും കേന്ദ്രഭരണ പ്രദേശങ്ങളിലും ഈ സംവിധാനം നടപ്പിലാക്കാന്‍ സ്വച്ഛ്ഭാരത് മിഷന്‍ ഡയറക്ടര്‍ ഉത്തരവിടുകയായിരുന്നു.
കേന്ദ്രസര്‍ക്കാരിന്റെ നിയന്ത്രണത്തിലുള്ള കേന്ദ്രീയ വിദ്യാലയങ്ങളില്‍ ഉടന്‍ ഇത്തരം പിങ്ക് ടോയ്‌ലെറ്റുകള്‍ നിര്‍മിക്കാന്‍ നടപടി സ്വീകരിക്കണമെന്ന് മിഷന്‍ ഡയറക്ടറേറ്റ് ഉത്തരവിറക്കിയിട്ടുണ്ട്. അട്ടപ്പാടി അഗളിയിലെ സ്‌കൂള്‍ കുട്ടികള്‍ ഈ ടോയ്‌ലെറ്റിന്റെ ഉപയോഗത്തെക്കുറിച്ചും ആവശ്യകതയെക്കുറിച്ചും വ്യക്തമാക്കുകയും ഇത് രാജ്യത്താകമാനം നടപ്പിലാക്കണമെന്ന് ആവശ്യപ്പെട്ടുകൊണ്ട് പ്രധാനമന്ത്രിക്ക് വിഡിയോ സന്ദേശവും കൈമാറിയിരുന്നു. അട്ടപ്പാടി മാതൃക രാജ്യത്താകമാനം നടപ്പിലാക്കാനുള്ള തീരുമാനത്തെ സ്വാഗതം ചെയ്യുന്നതായി ശാന്തി ഇന്‍ഫര്‍മേഷന്‍ ആന്‍ഡ് മെഡിക്കല്‍ സെന്റര്‍ ഡയറക്ടര്‍ ഉമാപ്രേമന്‍ സുപ്രഭാതത്തോട് പറഞ്ഞു

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."