കോഴിക്കോട്: പറമ്പില്‍ബസാര്‍ ഓട്ടോ സ്റ്റാന്‍ഡിലെ ഡ്രൈവര്‍മാരെ ഒരു സംഘം യുവാക്കള്‍ മര്‍ദിച്ചതായി പരാതി.
ഇന്നലെ രാവിലെ പത്തോടെയാണ് സംഭവം. സ്റ്റാന്‍ഡിലുണ്ടായിരുന്ന വലിയകുളങ്ങര ബിനീഷ്, കുന്നത്തുമലയില്‍ സുരേഷ് എന്നിവര്‍ക്കാണു മര്‍ദനമേറ്റത്.
പരുക്കേറ്റ ഇരുവരും മെഡിക്കല്‍ കോളജ് ആശുപത്രിയില്‍ ചികിത്സതേതി. അമിത വേഗത്തിലെത്തിയ ബൈക്ക് യാത്രികരെ കഴിഞ്ഞദിവസം ഓട്ടോ ഡ്രൈവര്‍മാര്‍ ചേര്‍ന്നു താക്കീതു നല്‍കിയിരുന്നു. ഇതിന്റെ പ്രതികാരമായാണ് യുവാക്കള്‍ സംഘടിച്ചെത്തി മര്‍ദിച്ചതെന്ന് ഓട്ടോ ഡ്രൈവര്‍മാര്‍ പറഞ്ഞു.
സംഭവത്തില്‍ പ്രതിഷേധിച്ച് പ്രദേശത്തെ ഓട്ടോ തൊഴിലാളികള്‍ സര്‍വിസ് നിര്‍ത്തിവച്ചു. വൈകിട്ട് മോട്ടോര്‍ തൊഴിലാളികള്‍ സംയുക്തമായി പ്രതിഷേധ പ്രകടനം നടത്തി. കറ്റടി ഉമ്മര്‍, നാരാശേരി ശശി, വരിക്കോളി നേതൃത്വം നല്‍കി.