അഹമദ്‌നഗര്‍ (മഹാരാഷ്ട്ര): ഇന്ത്യയിലെ അഭിപ്രയ സ്വാതന്ത്ര്യമില്ലായ്മ അമേരിക്കന്‍ പാര്‍ലമെന്റില്‍ വരെ ചര്‍ച്ചയാവുന്നതിനിടെ പ്രധാനമന്ത്രി നരേന്ദ്രമോദിയെ വിമര്‍ശിച്ച പൊലിസ് കോണ്‍സ്റ്റബിളിന് സസ്‌പെന്‍ഷന്‍.

വാട്‌സ് ആപ് സന്ദേശമിട്ടതിനാണ് നടപടി. മഹാരാഷ്ട്രയിലെ അഹമദ് നഗര്‍ ജില്ലയിലെകോണ്‍സ്റ്റബിള്‍ രമേഷ് ഷിന്‍ഡെക്കെതിരെയാണ് നടപടിയുണ്ടായത്.

വിശദമായ അന്വേഷണത്തിനു ശേഷമാണ് ഷിന്‍ഡെക്കെതിരെ നടപടിയെടുത്തതെന്ന പൊലിസ് വൃത്തങ്ങള്‍ പറഞ്ഞു. മുന്‍മന്ത്രിയും കോണ്‍ഗ്രസ് എം.എല്‍.എയുമായ ബാലസാഹേബ് തോററ്റിന്റെ ബോഡിഗാര്‍ഡെന്ന പോലെയാണ് ഷിന്‍ഡെ സന്ദേശമിട്ടതെന്നും അവര്‍ കൂട്ടിച്ചേര്‍ത്തു.

മോദിയെ വിമര്‍ശിക്കുന്ന ഫേസ്ബുക്ക് പോസ്റ്റ് ഷെയര്‍ ചെയ്തതിന്റെ പേരില്‍ നേരത്തെ ബംഗളൂരുവിലും കോണ്‍സ്റ്റബിളിനു നേരെ നടപടിയുണ്ടായിരുന്നു.